Эр сокъур болсун, къатын тилсиз болсун.
Татлы тилде – сёз ариу, чемер къолда – иш ариу.
Эки элинги тыйсанг, джети элде махталырса.
Алтыда кюлмеген, алтмышда кюлмез.
Элге къуллукъ этмеген, элге ие болмаз.
Юйюнг бла джау болгъандан эсе, элинг бла джау бол.
Тёзгеннге, джабылгъан эшик ачылыр.
Ачыкъ джюрекге джол – ачыкъ.
Гитче джилтин уллу элни джандырыр.
Мухарны эси – ашарыкъда.
Таукел къуру къалмаз.
Телиге акъыл салгъандан эсе, ёлгеннге джан салырса.
Иги адамны бир сёзю эки болмаз.
Байны къызы баймакъ болса да, юйде къалмаз!
«Ма», - дегенни билмесенг, «бер», - дегенни билмезсе.
Адам туугъан джеринде, ит тойгъан джеринде.
Кесине гебен этелмеген, биреуге черен эте эди.
Джолунга кёре – джюрюшюнг, джагъанга кёре – юлюшюнг.
Ач – эснер, ат – кишнер.
Тай асырагъан, атха минер.
Дууулдаса – бал чибин, къонса – къара чибин.
Къазанда болса, чолпугъа чыгъар.
Башда акъыл болмаса, эки аякъгъа кюч джетер.
Къызны минг тилер, бир алыр.
Абынмазлыкъ аякъ джокъ, джангылмазлыкъ джаякъ джокъ.
Аурууну келиую тынч, кетиую – къыйын.
Къонагъынгы артмагъын алма да, алгъышын ал.
Этим кетсе да, сюегим къалыр.
Аш кетер да бет къалыр.
Бет бетге къараса, бет да джерге къарар.
Ичимден чыкъды хата, къайры барайым сата?
Онгсузну – джакъла, тенгликни – сакъла.
Ёксюзню тилеги къабыл болур.
Ашхылыкъ джерде джатмайды, аманлыкъ суугъа батмайды.
Тил джюрекге джол ишлейди.
Ач къарынны, токъ билмез
Уллу суу бла уллу ауруудан башынгы сакъла.
Нарт сёз къарт болмаз.
Адамгъа аман кюн соруб келмейди.
Тойчу джашха къарама, къойчу джашха къара.
Шайтан алдады, тюзлюк къаргъады.
Ашына кёре табагъы, балына кёре къалагъы.
Билимден уллу байлыкъ джокъду.
Джумушакъ терекни къурт ашар.
Джигер – джаннга къыйынлыкъ.
Ёлген эшек бёрюден къоркъмайды.
Бозанг болмагъан джерге, къалагъынгы сукъма.
Эл тойса, тоймагъан, эл къойса, къоймагъан.
Тёрдеги кюлсе, эшикдеги ышарыр.
Эртде тургъан бла эртде юйленнген сокъуранмаз.
