Орундукъ тюбюнде атылсам да, орта джиликме, де да айлан.
Сёз сёзню айтдырыр.
Джырына кёре эжиую.
Эртде тургъан бла эртде юйленнген сокъуранмаз.
Дуния мал дунияда къалады.
Тамчы таш тешер.
Бал – татлы, балдан да бала – татлы.
Эринчекни эр алмаз, эр алса да, кёл салмаз, кёл салса да, кёб бармаз!
Ишни ахырын ойламай, аллын башлама.
Тиширыусуз юй – отсуз от джагъа.
Джарлыны эшигин махтагъан джабар.
Азыкълы ат арымаз, къатыны аман джарымаз.
Къыз чыгъаргъан – къызыл къымжа.
Ашхы болсанг, атынг чыгъар, аман болсанг, джанынг чыгъар.
Телиге акъыл салгъандан эсе, ёлгеннге джан салырса.
Насыб бютеу халкъны юлюшюдю.
Ата – билек, ана – джюрек!
Баргъанынга кёре болур келгенинг.
Тыш элде солтан болгъандан эсе, кесинги элде олтан болгъан игиди!
Тюзню ётмеги тюзде къалса да, тас болмаз.
Кийимни бичсенг, кенг бич, тар этген къыйын тюлдю.
Чабакъ башындан чирийди.
Кёрмегеннге кебек – танг, битмегеннге сакъал – танг.
Къонакъ хазыр болгъанлыкъгъа, къонакъбай хазыр тюлдю.
Элде адам къалмаса, ит тахтагъа минер.
Уллу къазанда бишген эт, чий къалмаз.
Татлы сёз – балдан татлы.
Чабакъсыз кёлге къармакъ салгъанлыкъгъа, чабакъ тутмазса.
Гыдай эчки суугъа къараб, мюйюзле кёрмесе, джашма алкъын, дегенди.
Дуния малгъа сатылма, кесингден телиге къатылма.
Ашарыкъда сайлагъаннга – чий гырджын.
Шекер бла туз – бир болмаз, ушамагъан – юй болмаз.
Мени джылытмагъан кюн, меннге тиймесин!
Тенги кёбню джау алмаз, акъылы кёбню дау алмаз.
Ашхы сёз таш тешер.
Юй ишлеген балта эшикде къалыр.
Ашлыкъны арба юйге келтирир, чана базаргъа элтир.
Махтаннган къыз, тойда джукълар.
Сакъалы текени да бар, мыйыгъы киштикни да бар.
Рысхы – насыбха къор.
Айыбны суу бла джууалмазса.
Арбаз сайлама да, хоншу сайла.
Ат басханны джер билед.
Тенгни тенглиги джашай барсанг билинир.
Эри аманны, къатыны – аман.
Эте билген, этген этеди, эте билмеген, юретген этеди!
Билген билмегенни юретген адетди.
Бети бедерден, намыс сакълама.
Аурууну келиую тынч, кетиую – къыйын.
Байлыкъ болгъан джерде, тынчлыкъ джокъду.
