Ашхы адам – халкъ байлыгъы, ашхы джер – джашау байлыгъы.
Тин – байлыгъынг, терен саулугъунг.
Ётюрюкден тюбю джокъ, кёлтюрюрге джиби джокъ.
Аууздан келген, къолдан келсе, ким да патчах болур эди.
Суу да къайтады чыкъгъан джерине.
Ата джурт – алтын бешик.
Эки элинги тыйсанг, джети элде махталырса.
Урунуу – насыбны анасы.
Байлыкъ адамны сокъур этер.
Зар адамны насыбы болмаз.
Эри аманны, къатыны – аман.
Чакъырылмагъан джерге барма, чакъырылгъан джерден къалма.
Акъыллы – эл иеси, тели – эл баласы.
Джарлыны тону джаз битер.
Кимни – тили, тиши онглу, кимни – къолу, иши онглу.
Бир онгсуз адам адет чыгъарды, деб эштирик тюлсе.
Байны оноуу, джарлыгъа джарамаз.
Хар сёзню орну барды.
Къоркъакъны кёзю экили кёрюр.
Билимсиз иш бармаз.
Арба аугъандан сора, джол кёргюзтюучю кёб болур.
Иги болса, тамадама – махтау, аман болса, меннге – айыб.
Джахил болса анасы, не билликди баласы?
Ёзденликни кёбю ётюрюк.
Нёгерсизни джолу узун.
Ичимден чыкъды хата, къайры барайым сата?
Мал ёлсе, сюек къалыр, адам ёлсе, иши къалыр.
Билим ат болуб да чабар, къуш болуб да учар.
Ашлыкъ – бюртюкден, джюн – тюкден.
Юйлю уругъа ит чабмаз.
Керти сёзге тёре джокъ.
Сёз садакъдан кючлюдю.
Тау башында, тау болмаз, джангыз терек, бау болмаз.
Сабийликде юретмесенг, уллу болса – тюзелмез.
Игини сыйлагъан адетди.
Сормай – алма, чакъырылмай – барма.
Джылыгъа джылан илешир.
Ишни аллы бла къууанма да, арты бла къууан.
От этилмеген джерден тютюн чыкъмайды.
Тилде сюек болмаса да, сюек сындырыр.
Керек ташны ауурлугъу джокъ.
Кёзню ачылгъаны – иги, ауузну джабылгъаны – иги.
Ариуну – ауруу кёб.
Къыз тиширыу кеси юйюнде да къонакъды.
Окъугъан озар, окъумагъан тозар.
Ишлегенден, къарагъан уста.
Джаханимни кёрмей, джандетге кёл салмазса.
Ачны эсинде – аш.
Телиге акъыл салгъандан эсе, ёлгеннге джан салырса.
Къая джолда джортма, ачыкъ сёзден къоркъма.
