Джахил болса анасы, не билликди баласы?
Абынмазлыкъ аякъ джокъ, джангылмазлыкъ джаякъ джокъ.
Атынг аманнга чыкъгъандан эсе, джанынг тамагъынгдан чыкъсын.
Сескекли кесин билдирир.
Ишни ахырын ойламай, аллын башлама.
Адам сёзюнден белгили.
Арбаз къынгырды да, ийнек сауалмайма.
Адам бла мюлк юлешмеген эсенг, ол адамны билиб бошагъанма, деб кесинги алдама.
Ашха уста, юйюнде болсун
Джангыз терек къынгыр ёсер.
Бозаны арты дауур болур.
Адамны аманы адамны бети бла ойнар.
Ашда уялгъан – мухар, ишде уялгъан – хомух.
Ишни аллы бла къууанма да, арты бла къууан.
Чыкълы кюнде чыкъмагъан, чыкъса къуру кирмеген.
Нёгер болсанг, тенг бол, тенг болмасанг, кенг бол.
Тойгъа алгъа да барма, тойда артха да къалма.
Ашарыкъда сайлагъаннга – чий гырджын.
Къыйынлы джети элге оноу этер.
Онгсузну – джакъла, тенгликни – сакъла.
Орну джокъну – сыйы джокъ.
Ач отунчуну ачыуу – бурнунда.
Окъ къызбайны джокълайды.
Таукел къуру къалмаз.
Аджашхан тёгерек айланыр.
Айырылмаз джууугъунга, унутмаз сёзню айтма.
Къыз тиширыу кеси юйюнде да къонакъды.
Тойгъанлыкъ къойгъа джарашады.
Ёлген эшек бёрюден къоркъмайды.
Къартха ушагъан джаш – акъыллы, джашха ушагъан къарт – тели.
Сууда джау джокъ, кёб сёзде магъана джокъ.
Бал – татлы, балдан да бала – татлы.
Бек анасы джыламаз.
Суу ичген шауданынга тюкюрме.
Чомарт къолда мал къалмаз.
Билген билмегенни юретген адетди.
Тёзген – тёш ашар!
Ёпкелегенни ашы татлы болады.
Ана къойну – балагъа джандет.
Ата Джуртун танымагъан, атасын да танымаз.
Кесине гебен этелмеген, биреуге черен эте эди.
Игиге айтсанг – билир, аманнга айтсанг – кюлюр.
Орундукъ тюбюнде атылсам да, орта джиликме, де да айлан.
Ариу сёз джыланны орнундан чыгъарыр.
Къонакъ аман болса, къонакъбай джунчур
Ауругъан – джашаудан умутчу.
Шапа кёб болса, аш татымсыз болур.
Къая джолда джортма, ачыкъ сёзден къоркъма.
Чомартны къолун джокълукъ байлар.
Къоркъакъны кёзю экили кёрюр.
