Чакъырылмагъан джерге барма, чакъырылгъан джерден къалма.
Эллинг бла джау болсанг да, юйюнг бла джау болма.
Керек ташны ауурлугъу джокъ.
Аманны къуугъан, аманлыкъ табар.
Ышармагъан – кюлмез, кюлмеген – къууанчны билмез.
Ашхылыкъ джерде джатмайды, аманлыкъ суугъа батмайды.
Тилде сюек болмаса да, сюек сындырыр.
Эл ауузу – элек, анга ийнаннган – халек.
Ичимден чыкъды хата, къайры барайым сата?
Билим – акъылны чырагъы.
Джашлыкъ этмеген, башлыкъ этмез.
Адамны джюреги нени кёрюрге сюйсе, кёзю да аны кёрюрге ёч болады.
Элге къуллукъ этмеген, элге ие болмаз.
Джыйырма къойну юч джыйырма эбзе кюте эди.
Ач бёрюге мекям джокъ.
Ач келгенни – тойдур, кеч келгенни – къондур.
Къолунгдан къуймакъ ашатсанг да, атаны борчундан къутулмазса.
Хар адамгъа кеси миннген тау кибик.
Миллетни бойну – базыкъ, аны бла кюрешген – джазыкъ.
Иги сеники эсе да, сюйген кесимикин этеме.
Къумурсхала джыйылсала, пилни да джыгъадыла.
Эки итни арасына сюек атма, эки адамны арасында сёз чыгъарма.
Игилик игилик бла сингдирилиучю затды.
Ойнай билмеген, оюн бузар.
Аманнга алтын чыдамаз.
Ач уят къоймаз.
Ашлыкъны арба юйге келтирир, чана базаргъа элтир.
Байны къызы баймакъ болса да, юйде къалмаз!
Бичгенде ашыкъма, тикгенде ашыкъ.
Къан бла кирген, джан бла чыгъар.
Чабакъ башындан чирийди.
«Ма», - дегенни билмесенг, «бер», - дегенни билмезсе.
Хатерли къул болур.
Уллу къашыкъ эрин джыртар.
Тешик этген тынчды, аны джамагъан къыйынды.
Тойгъа алгъа да барма, тойда артха да къалма.
Хунаны тюбюн къазсанг, юсюнге ауар.
Ана – юйню кюн джарыгъы.
Туз, гырджын аша, тюзлюк бла джаша.
Рысхы – насыбха къор.
Джаханимни кёрмей, джандетге кёл салмазса.
Тюзлюк тас болмайды.
Башсыз урчукъ тюзюне айланмаз.
Чёбню кёлтюрсенг, тюбюнден сёз чыгъар.
Ётюрюкню къуйругъу – бир тутум.
Бастасын ашагъан, хантусун да ичер.
Таукел къуру къалмаз.
Ёлюк кебинсиз къалмаз.
Къызгъанчдан ычхыныр, мухардан ычхынмаз.
Ашын ашагъанынгы, башын да сыйла.
