Ачылгъан эт джабылыр, кёрген кёз унутмаз.
Гугук кесини атын айтыб къычыргъанча, мен, мен деб нек тураса?
Ана – юйню кюн джарыгъы.
Ёзденликни кёбю ётюрюк.
Джюз элде джюз ёгюзюм болгъандан эсе, джюз джууугъум болсун.
Тойгъан антын унутур.
Аманнга игилик этсенг, юйюнге сау бармазса.
Эл ауузу – элия.
Тенги кёбню джау алмаз, акъылы кёбню дау алмаз.
Онгсузну – джакъла, тенгликни – сакъла.
Окъумагъан сокъурду, сокъур ташха абыныр!
Байны къызы баймакъ болса да, юйде къалмаз!
Айырылмаз джууугъунга, унутмаз сёзню айтма.
Агъач – джерни чырайы, кийим – эрни чырайы.
Ачыу алгъа келсе, акъыл артха къалады.
Кийимни бир кюнню аясанг, минг кюннге джарар.
Чакъырылмагъан къонакъ къачан кетерин сормаз.
Чыбыкълыкъда бюгюлмеген, къазыкълыкъда бюгюлмей эди.
Азыгъы аз, алгъа къабар, аты аман, алгъа чабар.
Тыш элде солтан болгъандан эсе, кесинги элде олтан болгъан игиди!
Бозанг болмагъан джерге, къалагъынгы сукъма.
Бёрю да ач къалмасын, эчки да ашалмасын.
Кёз – сюйген джерде, къол – ауругъан джерде.
Ауругъаннга – кийик саулукъ, джетген къызгъа – чилле джаулукъ.
Дууулдаса – бал чибин, къонса – къара чибин.
Намыс болмагъан джерде, насыб болмаз.
Ана кёлю – балада, бала кёлю – талада.
Ата джурт – алтын бешик.
Адебни адебсизден юрен.
Къобан да къуру да къобханлай турмайды, адам да къуру да патчахлай турмайды.
Тамбла алтындан бюгюн багъыр ашхы.
Ата Джуртча джер болмаз, туугъан элча эл болмаз.
Аман адам элни бир-бирине джау этер.
Айтханы чапыракъдан ётмеген.
Къоркъакъны кёзю экили кёрюр.
Ётюрюкчюню шагъаты – къатында.
Мал ёлсе, сюек къалыр, адам ёлсе, иши къалыр.
Ашхылыкъ джерде джатмайды, аманлыкъ суугъа батмайды.
Джерни букъусу кёкге къонмаз.
Къумурсхала джыйылсала, пилни да джыгъадыла.
Эркишиге тары кебек танг кёрюнюр.
Къыз келсе, джумуш эте келеди, къатын келсе, ушакъ эте келеди.
Къонагъы джокъну – шоху джокъ.
Ашхы болсанг, атынг чыгъар, аман болсанг, джанынг чыгъар.
Бети къызарыучу адамны, джюреги харам болмаз.
Ёмюрлюк шохлукъну джел элтмез.
Кёб къычыргъандан – къоркъма, тынч олтургъандан – къоркъ.
Кёл – къызбай, къол – батыр.
Ашын ашагъанынгы, башын да сыйла.
Шапа кёб болса, аш татымсыз болур.
