Тойчу джашха къарама, къойчу джашха къара.
Ариу сёз джыланны орнундан чыгъарыр.
Хантына кёре тузу, юйюне кёре къызы.
Аджашханны ызындагъы кёреди, джангылгъанны джанындагъы биледи.
Эл бла кёргенинг эрелей.
Экеу тутушса, биреу джыгъылыр.
Ашлыкъны арба юйге келтирир, чана базаргъа элтир.
Атынг аманнга чыкъгъандан эсе, джанынг тамагъынгдан чыкъсын.
Ашаса, ашамаса да, бёрюню ауузу – къан.
Бети къызарыучу адамны, джюреги харам болмаз.
Ариу – кёзге, акъыл – джюрекге.
Таукел къуру къалмаз.
Ач да бол, токъ да бол – намысынга бек бол.
Тойгъан джерден туугъан джер игиди.
Сибиртки да сыйлы болду, кюрек да кюнлю болду.
Ёгюзню мюйюзюнден тутадыла, адамны сёзюнден тутадыла.
Чомарт бергенин айтмаз.
Зарда марда джокъ.
Ариу сёз аурууунгу алыр.
Тил – миллетни джаны.
Аман къатын алгъан, арыр, иги къатын алгъан джарыр.
Аманны тукъумуна къарама, игини тукъумун сорма.
Ишленмеген джаш – джюгенсиз ат, ишленмеген къыз – тузсуз хант.
Тёгюлген тюгел джыйылмайды.
Байлыкъ болгъан джерде, тынчлыкъ джокъду.
Чёбню кёлтюрсенг, тюбюнден сёз чыгъар.
Абынмазлыкъ аякъ джокъ, джангылмазлыкъ джаякъ джокъ.
Ишин билген, аны сыйын чыгъарады.
Сабийликде юретмесенг, уллу болса – тюзелмез.
Эл ауузу – элия.
Урунуу – насыбны анасы.
Ёксюзню къалачы уллу кёрюнюр.
Сютден ауузу кюйген, суугъа юфгюре эди.
Эрни эр этерик да, къара джер этерик да, тиширыуду.
Ауругъаннга – кийик саулукъ, джетген къызгъа – чилле джаулукъ.
Мен да «сен», дейме, сен да «кесим», дейсе.
Билимли ёлмез, билимсиз кёрмез.
Тойгъан антын унутур.
Намысы болмагъанны, сыйы болмаз.
Чарсда алчыны эл кёреди.
Къарт бла баш аша, джаш бла аякъ аша.
Къарыусузгъа кюлме, онгсузгъа тийме.
Адеб базарда сатылмаз.
Дуния аламаты сен эсенг да, игиме деб айтма.
Ётюрюкден тюбю джокъ, кёлтюрюрге джиби джокъ.
Джюрек кёзден алгъа кёрюр.
Аз сёлешген, къайгъысыз турур.
Къызбайны юйюне дери сюрсенг, батыр болур.
Эл ауузу – элек, анга ийнаннган – халек.
Телиге акъыл салгъандан эсе, ёлгеннге джан салырса.
