Башы ишлегенни, ауузу да ишлер.
Эл бла кёргенинг эрелей.
Эшекни не къадар тюйсенг да, ат болмаз.
Чалманны аллы къалай башланса, арты да алай барады.
Тойгъа барсанг, тоюб бар, эски тонунгу къоюб бар.
Сыфатында болмагъаны, суратында болмаз.
Аманны тукъумуна къарама, игини тукъумун сорма.
Суу ичген шауданынга тюкюрме.
Билгенни къолу къарны джандырыр.
Къонакъ аман болса, къонакъбай джунчур
Къарын къуру болса, джюрек уру болур.
Джуртун къоругъан озар.
Чомартха хар кюн да байрамды.
Берекет берсин деген джерде, берекет болур.
Халкъны юйю – туугъан джери.
Танг атмайма десе да, кюн къоярыкъ тюйюлдю.
Ачлыкъда тары гырджын халыуадан татлы.
Келинин тута билмеген, къул этер, къызын тута билмеген, тул этер.
Арбаз къынгырды да, ийнек сауалмайма.
Джашны джигитлиги сорулур, къызны джигерлиги сорулур.
Намысы джокъну – дуниясы джокъ.
Бёрю да ач къалмасын, эчки да ашалмасын.
Чакъырылмагъан къонакъ къачан кетерин сормаз.
Алма терегинден кери кетмез.
Тулпарлыкъ, билекден тюл – джюрекден.
Орундукъ тюбюнде атылсам да, орта джиликме, де да айлан.
Мени джылытмагъан кюн, меннге тиймесин!
Ишленмеген джаш – джюгенсиз ат, ишленмеген къыз – тузсуз хант.
Бозаны арты дауур болур.
Джаш болсун, къыз болсун, акъылы, саны тюз болсун.
Тилчи бир сагъатха айлыкъ хата этер.
Джюрекге ариу – кёзге да ариу.
Бети къызарыучу адамны, джюреги харам болмаз.
Элге къуллукъ этмеген, элге ие болмаз.
Ёлюр джаннга, ёкюл джокъ.
Байны оноуу, джарлыгъа джарамаз.
Адамны адамлыгъы къыйынлыкъда айгъакъланады.
Къатын байлыкъны сюер, эр саулукъну сюер.
Адам боллукъ, атламындан белгили болур.
Къанны къан бла джуума, аманны аман бла къуума.
Иги адам абынса да, джангылмаз.
Адеб этмеген, адеб кёрмез.
Ата Джуртун танымагъан, атасын да танымаз.
Аман адам элни бир-бирине джау этер.
Ач уят къоймаз.
Къар – келтирди, суу – элтди.
Джашда акъыл джокъ, къартда къарыу джокъ.
Сабыр джетер муратха, сабырсыз къалыр уятха.
Суу да къайтады чыкъгъан джерине.
Адам туугъан джеринде, ит тойгъан джеринде.
