Тилчи бир сагъатха айлыкъ хата этер.
Ашыкъгъанны этеги бутуна чырмалыр.
Окъугъан – асыу, окъумагъан – джарсыу.
Аманнга алтын чыдамаз.
Тойгъанлыкъ къойгъа джарашады.
Сакъламагъан затынга джолукъсанг, не бек къууанаса, не бек ачыйса.
Нарт сёз къарт болмаз.
Ач къарынны, токъ билмез
Борчунг бар эсе, хурджунунга ойлаб узал.
Джангыз торгъай джырламаз.
Чомартха хар кюн да байрамды.
Малны кют, джерни тюрт.
Аман адам элни бир-бирине джау этер.
Арбаз сайлама да, хоншу сайла.
Ата – баланы уясы.
Кечеси – аяз, кюню – къыш, джарлы къаргъагъа бир аш тюш!
Биреуню тёрюнден, кесинги эшик артынг игиди.
Нёгер болсанг, тенг бол, тенг болмасанг, кенг бол.
Уясында не кёрсе, учханында аны этер.
Экеулен сёлеше тура эселе, орталарына барыб кирме.
Хар сёзню орну барды.
Зар адам ашынгы ашар, кесинги сатар.
От этилмеген джерден тютюн чыкъмайды.
Бал чибинни ургъаны – ачы, балы – татлы.
Келгинчи, къонакъ уялыр, келгенден сора, къонакъбай уялыр.
Джогъун бар этген, барын бал этген.
Аманнга да, игиге да оноусуз къатышма.
Баланы адам этген анады.
Тёгюлген тюгел джыйылмайды.
Тойну къарнашы – харс, джырны къарнашы – эжиу.
Ашлыкъны арба юйге келтирир, чана базаргъа элтир.
Бёрю да ач къалмасын, эчки да ашалмасын.
Джарлыны эшигин махтагъан джабар.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Ауузу бла къуш тута айланады.
Эки ойлашыб, бир сёлешген.
Биреуню эскиси биреуге джангы болмайды.
Сабийликде юретмесенг, уллу болса – тюзелмез.
Джол бла сёзню къыйыры джокъ.
Тамчы таш тешер.
Къыз келсе, джумуш эте келеди, къатын келсе, ушакъ эте келеди.
Къая джолда джортма, ачыкъ сёзден къоркъма.
Ишленмеген джаш – джюгенсиз ат, ишленмеген къыз – тузсуз хант.
Аман киши кеси юйюнде – къонакъ.
Чакъырылмагъан джерге барма, чакъырылгъан джерден къалма.
Джырына кёре эжиую.
Тёзгеннге, джабылгъан эшик ачылыр.
Таш ата билмеген, башына урур.
Къызбайны юйюне дери сюрсенг, батыр болур.
Къазанда болса, чолпугъа чыгъар.
