Уллу сёзде уят джокъ.
Гугук кесини атын айтыб къычыргъанча, мен, мен деб нек тураса?
Мал тутхан – май джалар.
Билим – акъылны чырагъы.
Игилик игилик бла сингдирилиучю затды.
Иги болса, тамадама – махтау, аман болса, меннге – айыб.
Аллахха ийнаннган кишини, Аллах онгдурур ишин.
Къарнынг ауруса, ауузунгу тый
Ашда – бёрю, ишде – ёлю.
Къонакъны къачан кетерин сорма, къачан келлигин сор.
Тенги кёбню джау алмаз, акъылы кёбню дау алмаз.
Билеги кючлю, бирни джыгъар, билими кючлю, мингни джыгъар.
Босагъагъа джууукъ орун болса, ашыгъыб тёрге озма.
Ариу сёз аурууунгу алыр.
Кёб къычыргъандан – къоркъма, тынч олтургъандан – къоркъ.
Тили узунну, намысы – къысха.
Алтыда кюлмеген, алтмышда кюлмез.
Телиге акъыл салгъандан эсе, ёлгеннге джан салырса.
Адебни адебсизден юрен.
Чакъырылмагъан джерге барма, чакъырылгъан джерден къалма.
Керек ташны ауурлугъу джокъ.
Аманны къуугъан, аманлыкъ табар.
Биреуню тёрюнден, кесинги эшик артынг игиди.
Ойнай-ойнай кёз чыгъар.
Келинин тута билмеген, къул этер, къызын тута билмеген, тул этер.
Бет бетге къараса, бет да джерге къарар.
Кёб джашагъан – кёб билир.
Тёгюлген тюгел джыйылмайды.
Итли къонакъ джарашмаз.
Акъыл къартда, джашда тюйюлдю – башдады.
Джюрекге ариу – кёзге да ариу.
Ашын ашагъанынгы, башын да сыйла.
Юйюнг бла джау болгъандан эсе, элинг бла джау бол.
Башланнган иш битер, къымылдагъан тиш тюшер.
Кюл тюбюндеги от кёрюнмейди.
Кёл ашады да, кеси ашады.
Байны оноуу, джарлыгъа джарамаз.
Душманны тышы – акъ, ичи – къара.
Байма, деб да, къууанма, джарлыма, деб да, джылама.
Джаным-тиним – окъуу, билим.
Кёзню ачылгъаны – иги, ауузну джабылгъаны – иги.
Къыз чыгъаргъан – къызыл къымжа.
Къыз келсе, джумуш эте келеди, къатын келсе, ушакъ эте келеди.
Тёрени джагъы джокъ.
Аман адам этегингден тутса, кес да къач.
Эки итни арасына сюек атма, эки адамны арасында сёз чыгъарма.
Ата Джуртун танымагъан, атасын да танымаз.
Джюрекден джюрекге джол барды.
Тели турса – той бузар.
Иги сёз – джаннга азыкъ, аман сёз башха – къазыкъ.
