Кёб джашагъан – кёб билир.
Къарын къуру болса, джюрек уру болур.
Къонакъ кёб келюучю юйню, къазаны отдан тюшмез.
Юй ишлеген балта эшикде къалыр.
Суугъа – таянма, джаугъа – ийнанма.
Ачыу алгъа келсе, акъыл артха къалады.
Шекер бла туз – бир болмаз, ушамагъан – юй болмаз.
Гырджын – тепсини тамадасы.
Аман хансны – урлугъу кёб.
Сакъламагъан затынга джолукъсанг, не бек къууанаса, не бек ачыйса.
Джыгъылгъанны сырты джерден тоймаз.
Сютню башын джалагъан къутулур, тюбюн ичген тутулур.
Билим ат болуб да чабар, къуш болуб да учар.
Аджашхан тёгерек айланыр.
Бал чибинни ургъаны – ачы, балы – татлы.
Джуртун къоругъан озар.
Ауругъаннга – кийик саулукъ, джетген къызгъа – чилле джаулукъ.
Азыгъы аз, алгъа къабар, аты аман, алгъа чабар.
Къонагъы джокъну – шоху джокъ.
Аз айтсам, кёб ангылагъыз.
Джыйырма къойну юч джыйырма эбзе кюте эди.
Дуния малгъа сатылма, кесингден телиге къатылма.
Байма, деб да, къууанма, джарлыма, деб да, джылама.
Ариу сёз – къылычдан джити.
Бюгюн дуния кибик, тамбла ахыратды.
Ёзденликни кёбю ётюрюк.
Джаз бир кюнню джатсанг, къыш талай кюнню абынырса.
Бёрю да ач къалмасын, эчки да ашалмасын.
Кёрмегеннге кебек – танг, битмегеннге сакъал – танг.
Къарт болгъан джерде, берекет болур, сабий болгъан джерде, оюн болур.
Бети къызарыучу адамны, джюреги харам болмаз.
Келинни – келгинчи, бёркню кийгинчи кёр.
Тамырсыз терекге таянма – джыгъылырса.
Ауузу бла къуш тута айланады.
Ашыкъгъан cуу, тенгизге джетмез.
Байлыкъ келсе, акъыл кетер.
Элиб деген, элге болушур.
Эки итни арасына сюек атма, эки адамны арасында сёз чыгъарма.
Баш – акъыл ючюн, акъылман – халкъ ючюн.
Чомартха хар кюн да байрамды.
Къартны бурнун сюрт да, оноугъа тут.
Кёлю джокъну – джолу джокъ.
Таугъа чыгъаллыкъ эсенг, тюзде къалма.
Айныгъанлы алты кюн, тогъайгъанлы тогъуз кюн.
Тёрде – темир таякълы, къаяда – чыпчыкъ аякълы.
Джыланны къуйругъундан басарынг келсе, аны башы болгъанын унутма.
Аманны къуугъан, аманлыкъ табар.
Эл ауузу – элия.
Байлыкъдан саулукъ ашхыды.
Адеб базарда сатылмаз.
