Намысы джокъну – дуниясы джокъ.
Чомарт бергенин айтмаз.
Ачны эсинде – аш.
Кёрмегеннге кебек – танг, битмегеннге сакъал – танг.
Атлыны кёрсе, джаяуну буту талыр.
Аякъларынгы джууургъанынга кёре узат.
Итли къонакъ джарашмаз.
Аман къатын сабий табса, бий болур…
Термилгенинги табмазса, кюлгенинге тюберсе.
Минг тенг да азды, бир джау да кёбдю.
Байма, деб да, къууанма, джарлыма, деб да, джылама.
Ата Джуртча джер болмаз, туугъан элча эл болмаз.
Ариуну – ауруу кёб.
Къазанны башы ачыкъ болса, итге уят керекди.
Хар зат кесини орнуна иги.
Байны къызы баймакъ болса да, юйде къалмаз!
Элни кючю – эмеген.
Рысхы – сют юсюнде кёмюк кибикди.
Биреуге аманлыкъны тилеме да, кесинге ашхылыкъны тиле.
Биреу къой излей, биреу той излей.
Байлыкъ болгъан джерде, тынчлыкъ джокъду.
Джылыгъа джылан илешир.
Бал ашаргъа сюе эсенг, чибин ургъаннга тёз.
Джарлы тюеге минсе да, ит къабар.
Ауругъаннга – кийик саулукъ, джетген къызгъа – чилле джаулукъ.
Ач къарным, тынч къулагъым.
Уллу суу бла уллу ауруудан башынгы сакъла.
Уллу къазанда бишген эт, чий къалмаз.
Эски джаугъа ышанма.
Иги бла джюрюсенг, джетерсе муратынга, аман бла джюрюсенг, къалырса уятха.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Ойнай билмеген, оюн бузар.
Башынга джетмегенни сорма.
Азыкълы ат арымаз, къатыны аман джарымаз.
Байны оноуу, джарлыгъа джарамаз.
Джол бла сёзню къыйыры джокъ.
Бёрю да ач къалмасын, эчки да ашалмасын.
Кёзю сокъурдан – къоркъма, кёлю сокъурдан – къоркъ.
Ана къойну – балагъа джандет.
Тили узунну, намысы – къысха.
Ашын ашагъанынгы, башын да сыйла.
Акъыллы эркиши атын махтар, акъылсыз эркиши къатынын махтар.
Аз сёлеш, кёб ишле.
От кюйдюрген, сау болса да, тот кюйдюрген, сау болмаз.
Сангырау къулакъ эл бузар.
Чомарт къолда мал къалмаз.
Зарда марда джокъ.
Кёз – сюйген джерде, къол – ауругъан джерде.
Джангызны оту джарыкъ джанмаз!
Тай асырагъан, атха минер.
