Гугук кесини атын айтыб къычыргъанча, мен, мен деб нек тураса?
Этим кетсе да, сюегим къалыр.
Биреу къой излей, биреу той излей.
Къыйынлы джети элни къайгъысын этер.
Аууздан келген, къолдан келсе, ким да патчах болур эди.
Ач къарынны, токъ билмез
Гитче джилтин уллу элни джандырыр.
Джаз бир кюнню джатсанг, къыш талай кюнню абынырса.
Насыблы элин сюер, насыбсыз кесин сюер.
Кимни – тили, тиши онглу, кимни – къолу, иши онглу.
Адеб базарда сатылмаз.
Мал ёлсе, сюек къалыр, адам ёлсе, иши къалыр.
Шайтан алдады, тюзлюк къаргъады.
Этни да ашады, бетни да ашады.
Сёз – кюмюш, джыр – алтын.
Аманнга игилик этсенг, юйюнге сау бармазса.
Суу да къайтады чыкъгъан джерине.
Юй ишлеген балта эшикде къалыр.
Байлыкъ тауусулур, билим тауусулмаз.
Чомарт джарлы болмаз.
Мураты болгъанны джюрек тебюую башхады.
Кюн кёрмеген, кюн кёрсе, кюндюз чыракъ джандырыр.
Тилчи бир сагъатха айлыкъ хата этер.
Кийимни бир кюнню аясанг, минг кюннге джарар.
Кёлсюзден сёзсюз тууар.
Башда акъыл болмаса, эки аякъгъа кюч джетер.
Ханы къызы буюгъа-буюгъа киштик болду.
Иги сеники эсе да, сюйген кесимикин этеме.
Кёзню ачылгъаны – иги, ауузну джабылгъаны – иги.
Мал тутхан – май джалар.
Суу ичген шауданынга тюкюрме.
Ашда уялгъан – мухар, ишде уялгъан – хомух.
Билим насыб берир, билим джолну керир.
Сабыр джетер муратха, сабырсыз къалыр уятха.
Бойнуму джети джерден кессенг да, мен ол ишни этеллик тюлме.
Джашда акъыл джокъ, къартда къарыу джокъ.
Къонагъы джокъну – шоху джокъ.
Къызгъанчдан ычхыныр, мухардан ычхынмаз.
Джюрек кёзден алгъа кёрюр.
Кёл ашады да, кеси ашады.
Адамны аты башхача, акъылы да башхады.
Окъумагъан сокъурду, сокъур ташха абыныр!
Къарт болгъан джерде, берекет болур, сабий болгъан джерде, оюн болур.
Сабий болмагъан джерде, мёлек болмаз.
Адамны адамлыгъы къыйынлыкъда айгъакъланады.
Къайгъы тюбю – тенгиз.
Арыгъан къош чамчы болур.
Эркишини аманы тиширыуну джылатыр.
Минг тенг да азды, бир джау да кёбдю.
Битмегеннге сакъал – танг.
