Чомартха Тейри да борчлуду.
Бойнуму джети джерден кессенг да, мен ол ишни этеллик тюлме.
Ашлыкъны арба юйге келтирир, чана базаргъа элтир.
Сангырау къулакъ эл бузар.
Адам сёзге тынгыла, акъыл сёзню ангыла.
Аджаллыгъа окъсуз шкок атылыр.
Ата – баланы уясы.
Къонакъ аман болса, къонакъбай джунчур
Тилде сюек болмаса да, сюек сындырыр.
Къонакъ хазыр болгъанлыкъгъа, къонакъбай хазыр тюлдю.
Арпа, будай – ащды, алтын, кюмюш а – ташды.
Джашлыкъ этмеген, башлыкъ этмез.
Тюзлюк тас болмайды.
Татлы сёз – балдан татлы.
Джерни букъусу кёкге къонмаз.
Ишлерге уял да, ашаргъа табма.
Мадар болса, къадар болур.
Ач къалгъандан, кеч къалгъан къолай.
Тойгъан антын унутур.
Тюкюрюк баш джармаз, налат кёз чыгъармаз!
Хар адамгъа кеси миннген тау кибик.
Иги сёз – джаннга азыкъ, аман сёз башха – къазыкъ.
Тенги кёбню джау алмаз, акъылы кёбню дау алмаз.
Билим къая тешер.
Ариу джол аджал келтирмез.
Аман адамны тепсинге олтуртсанг, къызынгы тилер.
Адамны джюреги нени кёрюрге сюйсе, кёзю да аны кёрюрге ёч болады.
Зар адам ашынгы ашар, кесинги сатар.
Тиширыусуз юй – отсуз от джагъа.
Суу да къайтады чыкъгъан джерине.
Адебсиз адам – джюгенсиз ат.
Сакъламагъан затынга джолукъсанг, не бек къууанаса, не бек ачыйса.
Аз айтсам, кёб ангылагъыз.
Берекет берсин деген джерде, берекет болур.
Къонакъ кёб келюучю юйню, къазаны отдан тюшмез.
Биреуге аманлыкъ этиб, кесинге игилик табмазса.
Окъумагъан сокъурду, сокъур ташха абыныр!
Кёб къычыргъандан – къоркъма, тынч олтургъандан – къоркъ.
Кёлю джокъну – джолу джокъ.
Юйюнгден чыкъдынг – кюнюнгден чыкъдынг.
Атадан ёксюз – бир ёксюз, анадан ёксюз – эки ёксюз.
Ишге юренсин къоллары, халкъ бла болсун джоллары.
Джюрекге ариу – кёзге да ариу.
Кийимни бичсенг, кенг бич, тар этген къыйын тюлдю.
Адамны сабийин сюйген джюреги, бычакъча, джитиди.
Билим – акъылны чырагъы.
Джиби бир къат джетмей эди да, эки къат тарта эди.
Аман киши кеси юйюнде – къонакъ.
Айранын берсенг, челегин да къызгъанма.
Рысхы джалгъанды: келген да этер, кетген да этер.
