Билимсиз иш бармаз.
Нарт сёз къарт болмаз.
Аманнга алтын чыдамаз.
Малны кют, джерни тюрт.
Бал чибинни ургъаны – ачы, балы – татлы.
Сескекли кесин билдирир.
Хоншуну тауугъу къаз кёрюнюр, келини къыз кёрюнюр.
Кёзню ачылгъаны – иги, ауузну джабылгъаны – иги.
Эки итни арасына сюек атма, эки адамны арасында сёз чыгъарма.
Игини сыйлагъан адетди.
Накъырда – кертини келечиси.
Мал ёлсе, сюек къалыр, адам ёлсе, иши къалыр.
Тилчи бир сагъатха айлыкъ хата этер.
Суу да къайтады чыкъгъан джерине.
Окъугъанны бети джарыкъ.
Тюкюрюк баш джармаз, налат кёз чыгъармаз!
Дуния малгъа сатылма, кесингден телиге къатылма.
Джарлы эскисин джамаса, къууаныр.
Мени джылытмагъан кюн, меннге тиймесин!
Къозулугъунда тоймагъан, къойлугъунда тоймаз.
Ишни аллы бла къууанма да, арты бла къууан.
Игиге айтсанг – билир, аманнга айтсанг – кюлюр.
Бёрю да ач къалмасын, эчки да ашалмасын.
Ёгюзню мюйюзюнден тутадыла, адамны сёзюнден тутадыла.
Атлыны кёрсе, джаяуну буту талыр.
Къарын къуру болса, джюрек уру болур.
Адам къыйынлыгъын кёлтюрюр, зауукълугъун кёлтюрмез.
Джаз бир кюнню джатсанг, къыш талай кюнню абынырса.
Ашда – бёрю, ишде – ёлю.
Аш берме да, къаш бер.
Терек ауса, отунчу – кёб.
Аджашхан тёгерек айланыр.
Къоркъакъны кёзю экили кёрюр.
Аш хазыр болса, иш харам болур.
Ишлерге уял да, ашаргъа табма.
Ачыкъ джюрекге джол – ачыкъ.
Урунуу – насыбны анасы.
Джыгъылгъанны сырты джерден тоймаз.
Телиге акъыл салгъандан эсе, ёлгеннге джан салырса.
Сабыр джетер муратха, сабырсыз къалыр уятха.
Эшекни не къадар тюйсенг да, ат болмаз.
Арба аугъандан сора, джол кёргюзтюучю кёб болур.
Телини эшигин, махтау джабар.
Къыз келсе, джумуш эте келеди, къатын келсе, ушакъ эте келеди.
Тин – байлыгъынг, терен саулугъунг.
Джолунга кёре – джюрюшюнг, джагъанга кёре – юлюшюнг.
Киштикге къанат битсе, чыпчыкъ къалмаз эди.
Келинни – келгинчи, бёркню кийгинчи кёр.
Акъыл бла адеб эгизледиле.
Къаллай салам берсенг, аллай джууаб алырса.
