Акъылсызны джууукъгъа алма, акъыллыны кенгнге салма.
Намыс болмагъан джерде, насыб болмаз.
Джыланны къуйругъундан басарынг келсе, аны башы болгъанын унутма.
Кийим тукъум сордурур.
Ашарыкъда сайлагъаннга – чий гырджын.
Джангыз торгъай джырламаз.
Ишлерге уял да, ашаргъа табма.
Байлыкъ болгъан джерде, тынчлыкъ джокъду.
Сагъышы джокъ – джукъучу, акъылы джокъ – къаугъачы.
Ариу сёз джыланны орнундан чыгъарыр.
Аш иеси бла татлыды.
Бети къызарыучу адамны, джюреги харам болмаз.
Кютгени беш эчки, сызгъыргъаны уа, джерни джарады.
Кийимни бир кюнню аясанг, минг кюннге джарар.
Ариу – кёзге, акъыл – джюрекге.
Ариу сёз – джаннга азыкъ, аман сёз – башха къазыкъ.
Къатын къылыкъсыз, эр тынчлыкъсыз.
Чалманны аллы къалай башланса, арты да алай барады.
Шекер бла туз – бир болмаз, ушамагъан – юй болмаз.
Илму – джашауну джолу.
Иесиз малны бёрю ашар.
Эри аманны, къатыны – аман.
Сакъалы текени да бар, мыйыгъы киштикни да бар.
Арпа, будай – ащды, алтын, кюмюш а – ташды.
Мен да «сен», дейме, сен да «кесим», дейсе.
Бети – къучакълар, джюреги – бычакълар.
Аман хансны – урлугъу кёб.
Ашда уялгъан – мухар, ишде уялгъан – хомух.
Джаз бир кюнню джатсанг, къыш талай кюнню абынырса.
Джаханимни кёрмей, джандетге кёл салмазса.
Тойгъанлыкъ къойгъа джарашады.
Эки элинги тыйсанг, джети элде махталырса.
Итли къонакъ джарашмаз.
Джумушакъ сёз къаты таякъны сындырыр.
Ётюрюк хапар аякъ тюбю бла джюрюйдю.
Кёзню ачылгъаны – иги, ауузну джабылгъаны – иги.
Къазанны башы ачыкъ болса, итге уят керекди.
Биреуню эскиси биреуге джангы болмайды.
Адам бла мюлк юлешмеген эсенг, ол адамны билиб бошагъанма, деб кесинги алдама.
Харам къарнашдан, халал тенг ашхы.
Ашхы адам – халкъ байлыгъы, ашхы джер – джашау байлыгъы.
Ач келгенни – тойдур, кеч келгенни – къондур.
Суугъа – чабакъ, къаягъа – ыргъакъ.
Аджаллыгъа окъсуз шкок атылыр.
Джарашыу сюйген – джалынчакъ.
Керек ташны ауурлугъу джокъ.
Хар ишни да аллы къыйынды.
Джаралыны джастыгъында сау ёлюр.
Тёзгеннге, джабылгъан эшик ачылыр.
Таукел къуру къалмаз.
