Ата Джуртуму башы болмасам да, босагъасында ташы болайым.
Айранын берсенг, челегин да къызгъанма.
Джашынгы кесинг юретмесенг, джашау юретир.
Юй ишлеген балта эшикде къалыр.
Аш берме да, къаш бер.
Тик ёргени, тик энгишгеси да болады.
Айран ичген – къутулду, джугъусун джалагъан – тутулду.
Аджалсыз ёлюм болмаз.
Аман адам этегингден тутса, кес да къач.
Рысхы – насыбха къор.
Джюрекден джюрекге джол барды.
Ашхылыкъ джерде джатмайды, аманлыкъ суугъа батмайды.
Окъумагъан сокъурду, сокъур ташха абыныр!
Тынгылагъан тынгы бузар.
Итли къонакъ джарашмаз.
Ашда уялгъан – мухар, ишде уялгъан – хомух.
Тамчы таш тешер.
Аманны тукъумуна къарама, игини тукъумун сорма.
Къыз чыгъаргъан – къызыл къымжа.
Байлыкъ тауусулур, билим тауусулмаз.
Байны къызы баймакъ болса да, юйде къалмаз!
Алтыда кюлмеген, алтмышда кюлмез.
Джарлыны эшигин махтагъан джабар.
Биреуню тёрюнден, кесинги эшик артынг игиди.
Суу да къайтады чыкъгъан джерине.
Намысы джокъну – дуниясы джокъ.
Уллу къазанда бишген эт, чий къалмаз.
Байны оноуу, джарлыгъа джарамаз.
Джашны джигитлиги сорулур, къызны джигерлиги сорулур.
Къонакъ кёб келюучю юйню, къазаны отдан тюшмез.
Кёзю сокъурдан – къоркъма, кёлю сокъурдан – къоркъ.
Эринчекге кюн узун.
Ауругъаннга – кийик саулукъ, джетген къызгъа – чилле джаулукъ.
Суу кетер, таш къалыр.
Иги джашны ышаны – аз сёлешиб, кёб тынгылар.
Ариу сёз джыланны орнундан чыгъарыр.
Кенгеш болса, уруш болмаз.
Джангыз торгъай джырламаз.
Мухар, кеси тойса да, кёзю тоймаз.
Гугук кесини атын айтыб къычыргъанча, мен, мен деб нек тураса?
Джаш къарыу бла кючлю, къарт акъыл бла кючлю.
Кютгени беш эчки, сызгъыргъаны уа, джерни джарады.
Тюз сёз баргъан сууну тыяр.
Тюзню ётмеги тюзде къалса да, тас болмаз.
Кесинге джетмегенни, кёб сёлешме.
Этни бети бла шорпасы.
От кюйдюрген, сау болса да, тот кюйдюрген, сау болмаз.
Туз, гырджын аша, тюзлюк бла джаша.
Биреу ашаб къутулур, биреу джалаб тутулур.
Ичимден чыкъды хата, къайры барайым сата?
