Ойнаб айтсанг да, эслеб айт.
Тилсиз миллет джокъ болур.
Аш хазыр болса, иш харам болур.
Ёлген эшек бёрюден къоркъмайды.
Къобан да къуру да къобханлай турмайды, адам да къуру да патчахлай турмайды.
Бек ашыкъгъан меннге джетсин, дегенди аракъы.
Келинин тута билмеген, къул этер, къызын тута билмеген, тул этер.
Джумушакъ терекни къурт ашар.
Уллу къазанда бишген эт, чий къалмаз.
Ёлюк кебинсиз къалмаз.
Тёгюлген тюгел джыйылмайды.
Адамны бетине къарама, адетине къара.
Аман адамны тепсинге олтуртсанг, къызынгы тилер.
Телиге акъыл салгъандан эсе, ёлгеннге джан салырса.
Илму – джашауну джолу.
Джолда аягъынга сакъ бол, ушакъда тилинге сакъ бол.
Ёгюзню мюйюзюнден тутадыла, адамны сёзюнден тутадыла.
Гугук кесини атын айтыб къычыргъанча, мен, мен деб нек тураса?
Келлик заман – къартлыкъ келтирир, кетген заман – джашлыкъ ёлтюрюр.
Нёгер болсанг, тенг бол, тенг болмасанг, кенг бол.
Эли джокъну – кёлю джокъ.
Асхат ашлыкъ сата, юйдегиси ачдан къата.
Ёзденликни кёбю ётюрюк.
Ата Джуртун танымагъан, атасын да танымаз.
Шайтан алдады, тюзлюк къаргъады.
Эл тойса, тоймагъан, эл къойса, къоймагъан.
Сабыр джетер муратха, сабырсыз къалыр уятха.
Аллахдан тилесенг, кёб тиле.
Соргъан айыб тюлдю, билмеген айыбды.
Намыс болмагъан джерде, насыб болмаз.
Ариу сёз аурууунгу алыр.
Хансыз джомакъ болмаз.
Ишин билген, аны сыйын чыгъарады.
Тил бла келеди джыр да.
Айтханы чапыракъдан ётмеген.
Кесинге джетмегенни, кёб сёлешме.
Эки итни арасына сюек атма, эки адамны арасында сёз чыгъарма.
Тойгъандан сора, ашны сёкме.
Терслик кетер, тюзлюк джетер.
Джангыз терек къынгыр ёсер.
Эм уллу байлыкъ – джан саулукъ.
Айраннга суу къош, телиге джол бош.
Къонакъ болсанг, ийнакъ бол.
Таукел адам тау тешер.
Айранын берсенг, челегин да къызгъанма.
Джогъун бар этген, барын бал этген.
От этилмеген джерден тютюн чыкъмайды.
Шапа кёб болса, аш татымсыз болур.
Джылыгъа джылан илешир.
Ашарыкъда сайлагъаннга – чий гырджын.
