Бети къызарыучу адамны, джюреги харам болмаз.
Ашыкъгъан cуу, тенгизге джетмез.
Этим кетсе да, сюегим къалыр.
Мал тутхан – май джалар.
Суу да къайтады чыкъгъан джерине.
Айранны сюйген, ийнек тутар.
Къуру гыбыт бек дыгъырдар.
Билмезни кёзю кёрмез, этмезни къулагъы эшитмез.
Джаш болсун, къыз болсун, акъылы, саны тюз болсун.
Ана къолу ачытмаз.
Тыш элде солтан болгъандан эсе, кесинги элде олтан болгъан игиди!
Иги бла джюрюсенг, джетерсе муратынга, аман бла джюрюсенг, къалырса уятха.
Элни кючю – эмеген.
Тин – байлыгъынг, терен саулугъунг.
Джан саулукъ бермей, сан саулукъ бермезсе.
Тенгинг джокъ эсе – изле, бар эсе – сакъла!
Шапа кёб болса, аш татымсыз болур.
Ёгюзню мюйюзлери ауурлукъ этмейдиле.
Телиге от эт десенг, юйюнге от салыр.
Бойнуму джети джерден кессенг да, мен ол ишни этеллик тюлме.
Тынгылагъан тынгы бузар.
Минг тенг да азды, бир джау да кёбдю.
Джюз элде джюз ёгюзюм болгъандан эсе, джюз джууугъум болсун.
Джюрек кёзден алгъа кёрюр.
Хар зат кесини орнуна иги.
Тура эдим джата, къайдан чыкъды хата?
Къарнынг къанлынга кийирир.
Сормай – алма, чакъырылмай – барма.
Кютгени беш эчки, сызгъыргъаны уа, джерни джарады.
«Ма», - дегенни билмесенг, «бер», - дегенни билмезсе.
Ойнай билмеген, уруб къачар.
Ашхы адам – халкъ байлыгъы, ашхы джер – джашау байлыгъы.
Азыкълы ат арымаз, къатыны аман джарымаз.
Бастасын ашагъан, хантусун да ичер.
Игини сыйлагъан адетди.
Билим къая тешер.
Ариуну – ауруу кёб.
Эртде тургъан джылкъычыны эркек аты тай табар.
Джангызны оту джарыкъ джанмаз!
Ачылгъан эт джабылыр, кёрген кёз унутмаз.
Сескекли кесин билдирир.
Экиндини кеч къылсанг, чабыб джетер ашхам.
Эл ауузу – элек, анга ийнаннган – халек.
Кюн кёрмеген, кюн кёрсе, кюндюз чыракъ джандырыр.
Ач къарным, тынч къулагъым.
Зарда марда джокъ.
Зар адамны насыбы болмаз.
Этек чакъмакълары баш джаргъан, сёлешген сёзлери таш джаргъан.
Байдан умут эте, джарлыдан ёгюз багъасы къорады.
Адамны адамлыгъы къыйынлыкъда айгъакъланады.
