Душманны тышы – акъ, ичи – къара.
Ишлегенде эринме, ишде чолакъ кёрюнме.
Адамны сабийин сюйген джюреги, бычакъча, джитиди.
Тойгъанлыкъ къойгъа джарашады.
Арыгъан къош чамчы болур.
Телини эшигин, махтау джабар.
Билмегенинги, билгеннге сор.
Джукъу тёшек сайламайды.
Окъуусуз билим – джокъ, билимсиз кюнюнг – джокъ.
Эски джаугъа ышанма.
Таукел тауну аудурур.
От этилмеген джерден тютюн чыкъмайды.
Джаралыны джастыгъында сау ёлюр.
Тёзгеннге, джабылгъан эшик ачылыр.
Ётюрюкчюню шагъаты – къатында.
Чабакъсыз кёлге къармакъ салгъанлыкъгъа, чабакъ тутмазса.
Байдан умут эте, джарлыдан ёгюз багъасы къорады.
Кёзню ачылгъаны – иги, ауузну джабылгъаны – иги.
Джарлыны эшигин махтагъан джабар.
Ашлыкъ – бюртюкден, джюн – тюкден.
Гыдай эчки суугъа къараб, мюйюзле кёрмесе, джашма алкъын, дегенди.
Ёзденликни джайгъан – джокълукъ.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Юй кюйдю да, кюйюз чыкъды, ортасындан тюйюш чыкъды.
Урама да – ёледи, сатама да – келеди.
Тенгни тенглиги джашай барсанг билинир.
Джюрекден джюрекге джол барды.
Ата Джуртча джер болмаз, туугъан элча эл болмаз.
Ханы къызы буюгъа-буюгъа киштик болду.
Ариу джол аджал келтирмез.
Арбаз сайлама да, хоншу сайла.
Акъыллы – эл иеси, тели – эл баласы.
Сабийликде юретмесенг, уллу болса – тюзелмез.
Кёзю сокъурдан – къоркъма, кёлю сокъурдан – къоркъ.
Ойнай билмеген, оюн бузар.
Аман эсирсе, юйюн ояр.
Байлыкъ болгъан джерде, тынчлыкъ джокъду.
Кюн – узун, ёмюр – къысха.
«Ма», - дегенни билмесенг, «бер», - дегенни билмезсе.
Сабыр джетер муратха, сабырсыз къалыр уятха.
Къартны бурнун сюрт да, оноугъа тут.
Кесине оноу эте билмеген, халкъына да эте билмез.
Къонагъы джокъну – шоху джокъ.
Тамчы таш тешер.
Ойнай-ойнай кёз чыгъар.
Чомарт къонакъ юй иесин сыйлар.
Юйюнг бла джау болгъандан эсе, элинг бла джау бол.
Ач, тоймам, дейди, тойгъан, ач болмам, дейди.
Алгъанда – джууукъ, бергенде – джау.
Тешик этген тынчды, аны джамагъан къыйынды.
