Халкъны юйю – туугъан джери.
Билмегенинги, билгеннге сор.
Миллетни бойну – базыкъ, аны бла кюрешген – джазыкъ.
Ауурну тюбю бла, дженгилни башы бла джюрюген.
Чомарт къонакъ юй иесин сыйлар.
Тёзген – тёш ашар!
Къазанны башы ачыкъ болса, итге уят керекди.
Ат да турмайды бир териде.
Аманнга алтын чыдамаз.
Сабийни джумушха джибер да, ызындан бар.
Къолунгдан къуймакъ ашатсанг да, атаны борчундан къутулмазса.
Аууздан келген, къолдан келсе, ким да патчах болур эди.
Башынга джетмегенни сорма.
Ётюрюк хапар аякъ тюбю бла джюрюйдю.
Джолунга кёре – джюрюшюнг, джагъанга кёре – юлюшюнг.
Къызбайны юйюне дери сюрсенг, батыр болур.
Сормай – алма, чакъырылмай – барма.
Баргъанынга кёре болур келгенинг.
Ётюрюкден тюбю джокъ, кёлтюрюрге джиби джокъ.
Ётген ёмюр – акъгъан суу.
Джюрек кёзден алгъа кёрюр.
Ач отунчуну ачыуу – бурнунда.
Тилчи бир сагъатха айлыкъ хата этер.
Игиге айтсанг – билир, аманнга айтсанг – кюлюр.
Ариу – кёзге, акъыл – джюрекге.
Ишин билген, аны сыйын чыгъарады.
Арбаз сайлама да, хоншу сайла.
Айранын берсенг, челегин да къызгъанма.
Джылкъыдан – ат чыгъар, тукъумдан – джаш чыгъар.
Тенгни тенглиги джашай барсанг билинир.
Сютню башын джалагъан къутулур, тюбюн ичген тутулур.
Урама да – ёледи, сатама да – келеди.
Айтхан сёзюне табылгъан.
Къызны минг тилер, бир алыр.
Къралынгы – душмандан, башынгы от бла суудан сакъла.
Джан саулукъ бермей, сан саулукъ бермезсе.
Таукел адам тау тешер.
Джахил болса анасы, не билликди баласы?
Къайтырыкъ эшигинги, къаты уруб чыкъма.
Джуртун къоругъан озар.
Ачыу алгъа келсе, акъыл артха къалады.
Эринчекге кюн узун.
Дуния малгъа сатылма, кесингден телиге къатылма.
Ёлюр джаннга, ёкюл джокъ.
Къартны сыйын кёрмеген, къартлыгъында сыйлы болмаз.
Борчунг бар эсе, хурджунунга ойлаб узал.
Керилген да, ургъан кибикди.
Тенгинг джокъ эсе – изле, бар эсе – сакъла!
Ариу джол аджал келтирмез.
Игини сыйлагъан адетди.
