Джумушакъ терекни къурт ашар.
Баш – акъыл ючюн, акъылман – халкъ ючюн.
Орундукъ тюбюнде атылсам да, орта джиликме, де да айлан.
Ачлыкъда тары гырджын халыуадан татлы.
Тыш элде солтан болгъандан эсе, кесинги элде олтан болгъан игиди!
Миллетни бойну – базыкъ, аны бла кюрешген – джазыкъ.
Ачыкъ джюрекге джол – ачыкъ.
Къарт айтханны этмеген, къартаймаз.
Чакъырылмагъан къонакъ – орунсуз.
Эки ойлашыб, бир сёлешген.
Адеб этмеген, адеб кёрмез.
Кюлме джашха – келир башха.
Эм ашхы къайын ана мамукъ бла башынгы тешер.
Ханы къызы буюгъа-буюгъа киштик болду.
Илму – джашауну джолу.
Сескекли кесин билдирир.
Къулакъдан эсе, кёзге ышан.
Суу ичген шауданынга тюкюрме.
Сагъыш – къартлыкъгъа сюйюмчю.
Ат басханны джер билед.
Джол бла сёзню къыйыры джокъ.
Тил – миллетни джаны.
Ауурну тюбю бла, дженгилни башы бла джюрюген.
Къарт бла баш аша, джаш бла аякъ аша.
Булут кёкге джарашыу, уят бетге джарашыу.
Къарын къуру болса, джюрек уру болур.
Мухарны эси – ашарыкъда.
Этни да ашады, бетни да ашады.
Кёзю сокъурдан – къоркъма, кёлю сокъурдан – къоркъ.
Джюрекге ариу – кёзге да ариу.
Къонакъ аз олтурур, кёб сынар.
Зар адам ашынгы ашар, кесинги сатар.
Элни кючю – эмеген.
Джаханимни кёрмей, джандетге кёл салмазса.
Нёгер болсанг, тенг бол, тенг болмасанг, кенг бол.
Ёгюзню мюйюзюнден тутадыла, адамны сёзюнден тутадыла.
Къатын байлыкъны сюер, эр саулукъну сюер.
Чакъырылгъанны аты, чакъырылмагъанны багъасы болур.
Юре билмеген ит, къонакъ келтирир.
Джашда акъыл джокъ, къартда къарыу джокъ.
Акъыллы – эл иеси, тели – эл баласы.
Аманны эки битли тону болур, бирин сеннге кийдирир, бирин кеси киер.
Кёзюнде тереги болгъан, чёбю болгъаннга кюле эди.
Ётюрюкню къуйругъу – бир тутум.
Шекер бла туз – бир болмаз, ушамагъан – юй болмаз.
Юй кюйдю да, кюйюз чыкъды, ортасындан тюйюш чыкъды.
Ариу сёз аурууунгу алыр.
Ашын ашагъанынгы, башын да сыйла.
Чалманны аллы къалай башланса, арты да алай барады.
Эки элинги тыйсанг, джети элде махталырса.
