Этни бети бла шорпасы.
Эшекни не къадар тюйсенг да, ат болмаз.
Рысхы джалгъанды: келген да этер, кетген да этер.
Дуния аламаты сен эсенг да, игиме деб айтма.
Тамырсыз терекге таянма – джыгъылырса.
Урунуу – насыбны анасы.
Чакъырылмагъан джерге барма, чакъырылгъан джерден къалма.
Билим къая тешер.
Мураты болгъанны джюрек тебюую башхады.
Аманны эки битли тону болур, бирин сеннге кийдирир, бирин кеси киер.
Къобан да къуру да къобханлай турмайды, адам да къуру да патчахлай турмайды.
Тин – байлыгъынг, терен саулугъунг.
Къарны аманнга къазан такъдырма, къолу аманнга от джакъдырма.
Чомартха Тейри да борчлуду.
Ариу сёзде ауруу джокъ.
Адам къыйынлыгъын кёлтюрюр, зауукълугъун кёлтюрмез.
Бети – къучакълар, джюреги – бычакълар.
Билмейме деген – бир сёз
Насыблы элин сюер, насыбсыз кесин сюер.
Ойнай-ойнай кёз чыгъар.
Тамбла алтындан бюгюн багъыр ашхы.
Ачлыкъда тары гырджын халыуадан татлы.
Кёрмегеннге кебек – танг, битмегеннге сакъал – танг.
Элде адам къалмаса, ит тахтагъа минер.
Чабакъ башындан чирийди.
Ата – билек, ана – джюрек!
Сескекли кесин билдирир.
Джарлы тюеге минсе да, ит къабар.
Чабакъсыз кёлге къармакъ салгъанлыкъгъа, чабакъ тутмазса.
Сабий кёргенин унутмаз.
Гырджын – тепсини тамадасы.
Сормай – алма, чакъырылмай – барма.
Къаллай салам берсенг, аллай джууаб алырса.
Сёз садакъдан кючлюдю.
Тенгни тенглиги джашай барсанг билинир.
Сангырау къулакъ эл бузар.
Сакъалы текени да бар, мыйыгъы киштикни да бар.
Байлыкъ адамны сокъур этер.
Эрни эр этерик да, къара джер этерик да, тиширыуду.
Тенгинг джокъ эсе – изле, бар эсе – сакъла!
Нёгерсизни джолу узун.
Терек ауса, отунчу – кёб.
Къызбайны юйюне дери сюрсенг, батыр болур.
Къайгъы тюбю – тенгиз.
Эли джокъну – кёлю джокъ.
Джолунга кёре – джюрюшюнг, джагъанга кёре – юлюшюнг.
Ашхы – джыяр, аман – джояр.
Джашынгы кесинг юретмесенг, джашау юретир.
Ёгюзню мюйюзюнден тутадыла, адамны сёзюнден тутадыла.
Джан саулукъ бермей, сан саулукъ бермезсе.
![http://img341.imageshack.us/img341/3384/22316923ou 2.jpg]](http://img341.imageshack.us/img341/3384/22316923ou2.jpg "http://img341.imageshack.us/img341/3384/22316923ou 2.jpg]")
