Айтылгъан сёз ызына къайтмаз.
Бети къызарыучу адамны, джюреги харам болмаз.
Ат басханны джер билед.
Бек анасы джыламаз.
Алим болгъандан эсе, адам болгъан къыйынды.
Юйюнг бла джау болгъандан эсе, элинг бла джау бол.
Суу да къайтады чыкъгъан джерине.
Джарлы эскисин джамаса, къууаныр.
Нафысынгы айтханын этме, намысынгы айтханын эт.
Эрни эр этерик да, къара джер этерик да, тиширыуду.
Ашда уялгъан – мухар, ишде уялгъан – хомух.
Къарнынг къанлынга кийирир.
Ашхы тенг джолгъа салыр, аман тенг джолдан тайдырыр.
Ауузу аманнга «иги», деме.
Босагъагъа джууукъ орун болса, ашыгъыб тёрге озма.
Ач уят къоймаз.
Сормай – алма, чакъырылмай – барма.
Тай асырагъан, атха минер.
Чабакъ башындан чирийди.
Биреуге кёлтюрген таягъынг, кесинги башынга урур.
Къатыны харакетли болса, эри къымсыз болур.
Тынгылагъан тынгы бузар.
Эл ауузу – элек, анга ийнаннган – халек.
Акъыл бла адеб эгизледиле.
Иги болса, тамадама – махтау, аман болса, меннге – айыб.
Джаным-тиним – окъуу, билим.
Тойгъа алгъа да барма, тойда артха да къалма.
Ач, тоймам, дейди, тойгъан, ач болмам, дейди.
Ашына кёре табагъы, балына кёре къалагъы.
Кёб къычыргъандан – къоркъма, тынч олтургъандан – къоркъ.
Эл бла кёргенинг эрелей.
Ашатыргъа иш – ашхы, ишлетирге аш – ашхы.
Эринчекге кюн узун.
Мухарны эси – ашарыкъда.
Билгенни къолу къарны джандырыр.
Чомарт джарлы болмаз.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Билмегенинги, билгеннге сор.
Джырына кёре эжиую.
Кёб джат да, бек чаб.
Иги сеники эсе да, сюйген кесимикин этеме.
Ёнгкюч къууана барыр, джылай келир.
Айранын берсенг, челегин да къызгъанма.
Мен да «сен», дейме, сен да «кесим», дейсе.
Харам къарнашдан, халал тенг ашхы.
Ачлыкъда тары гырджын халыуадан татлы.
Аууз сакълагъан – джан сакълар.
Айныгъанлы алты кюн, тогъайгъанлы тогъуз кюн.
Ётюрюкню башын керти кесер.
Ишни ахырын ойламай, аллын башлама.
![http://img341.imageshack.us/img341/3384/22316923ou 2.jpg]](http://img341.imageshack.us/img341/3384/22316923ou2.jpg "http://img341.imageshack.us/img341/3384/22316923ou 2.jpg]")
