Адам туугъан джеринде, ит тойгъан джеринде.
Ишин билген, аны сыйын чыгъарады.
Тойгъа алгъа да барма, тойда артха да къалма.
Керти сёзге тёре джокъ.
От кюйдюрген, сау болса да, тот кюйдюрген, сау болмаз.
Къанны къан бла джуума, аманны аман бла къуума.
Тин – байлыгъынг, терен саулугъунг.
Чомарт бергенин айтмаз.
Ёлюк кебинсиз къалмаз.
Эркишиге тары кебек танг кёрюнюр.
Эл ауузу – элек, анга ийнаннган – халек.
Намыс болмагъан джерде, насыб болмаз.
Ашхы адам – халкъ байлыгъы, ашхы джер – джашау байлыгъы.
Арбаз къынгырды да, ийнек сауалмайма.
Кирсизни – саны таза, халалны – къаны таза.
Хаухну атма, ёнгкючню сатма.
Кёзден кетген, кёлден да кетеди.
Ёгюзню мюйюзлери ауурлукъ этмейдиле.
Къонакъ аман болса, къонакъбай джунчур
Аманнга алтын чыдамаз.
Адам къыйынлыгъын кёлтюрюр, зауукълугъун кёлтюрмез.
Аджаллыгъа окъсуз шкок атылыр.
Гырджын – тепсини тамадасы.
Бозанг болмагъан джерге, къалагъынгы сукъма.
Чомартны къолун джокълукъ байлар.
Таула не мийик болсала да, аууш табылыр.
Бал чибинни ургъаны – ачы, балы – татлы.
Къазанда болса, чолпугъа чыгъар.
Тойгъан джерге джети къайт.
Адеб базарда сатылмаз.
Башда акъыл болмаса, эки аякъгъа кюч джетер.
Арпа, будай – ащды, алтын, кюмюш а – ташды.
Урама да – ёледи, сатама да – келеди.
Рысхысына кёре, джаш ёсер, къышлыгъына кёре, мал ёсер.
Хар ишни да аллы къыйынды.
Тил – миллетни джаны.
Хунаны тюбюн къазсанг, юсюнге ауар.
Сёз – кюмюш, джыр – алтын.
Кёрмегеннге кебек – танг, битмегеннге сакъал – танг.
Эки ойлашыб, бир сёлешген.
Махтаннган къыз, тойда джукълар.
Къарнынг къанлынга кийирир.
Ат басханны джер билед.
Къумурсхала джыйылсала, пилни да джыгъадыла.
Ашына кёре табагъы, балына кёре къалагъы.
Бет бетге къараса, бет да джерге къарар.
Тешигини къатында, чычхан да батыр болур.
Къууут – джелге, берне – бошха.
Аманны тукъумуна къарама, игини тукъумун сорма.
Абынмазлыкъ аякъ джокъ, джангылмазлыкъ джаякъ джокъ.
![http://img341.imageshack.us/img341/3384/22316923ou 2.jpg]](http://img341.imageshack.us/img341/3384/22316923ou2.jpg "http://img341.imageshack.us/img341/3384/22316923ou 2.jpg]")
