Къартны бурнун сюрт да, оноугъа тут.
Мураты болгъанны джюрек тебюую башхады.
Аджалсыз ёлюм болмаз.
Адамгъа аман кюн соруб келмейди.
Ашлыкъны арба юйге келтирир, чана базаргъа элтир.
Ата Джуртча джер болмаз, туугъан элча эл болмаз.
Джашынгы кесинг юретмесенг, джашау юретир.
Аман адам элни бир-бирине джау этер.
Таукелге нюр джауар.
Къонагъы джокъну – шоху джокъ.
Джарлы тюеге минсе да, ит къабар.
Сёлеш деб шай берген, тохта деб, сом берген.
Ичимден чыкъды хата, къайры барайым сата?
Ата – билек, ана – джюрек!
Байлыкъ болгъан джерде, тынчлыкъ джокъду.
Ауурну тюбю бла, дженгилни башы бла джюрюген.
Эшекге миннген – биринчи айыб, андан джыгъылгъан – экинчи айыб.
Кёзюнде тереги болгъан, чёбю болгъаннга кюле эди.
Къонакъ хазыр болгъанлыкъгъа, къонакъбай хазыр тюлдю.
Ачыкъ джюрекге джол – ачыкъ.
Ишге юренсин къоллары, халкъ бла болсун джоллары.
Билмезни кёзю кёрмез, этмезни къулагъы эшитмез.
Хар адамгъа кеси миннген тау кибик.
Юйюнг бла джау болгъандан эсе, элинг бла джау бол.
Итли къонакъ джарашмаз.
Ойнай билмеген, оюн бузар.
Халкъгъа джарагъан, джарлы къалмаз.
Игини сыйлагъан адетди.
Къозулугъунда тоймагъан, къойлугъунда тоймаз.
Къазанда болса, чолпугъа чыгъар.
Бек ашыкъгъан меннге джетсин, дегенди аракъы.
«Ма», - дегенни билмесенг, «бер», - дегенни билмезсе.
Кёкдеги болмаса, джердегин кёрмейди.
Рысхы – насыбха къор.
Ётюрюкден тюбю джокъ, кёлтюрюрге джиби джокъ.
Азыкъ аз болса, эртде орун сал.
Бал – татлы, балдан да бала – татлы.
Эки ойлашыб, бир сёлешген.
Билген билмегенни юретген адетди.
Шайтан алдады, тюзлюк къаргъады.
Тойчу джашха къарама, къойчу джашха къара.
Къаллай салам берсенг, аллай джууаб алырса.
Дууулдаса – бал чибин, къонса – къара чибин.
Къарнынг ауруса, ауузунгу тый
Байлыкъ тауусулур, билим тауусулмаз.
Хата – гитчеден.
Джолунга кёре – джюрюшюнг, джагъанга кёре – юлюшюнг.
Келгинчи, къонакъ уялыр, келгенден сора, къонакъбай уялыр.
Чалманны аллы къалай башланса, арты да алай барады.
Абынмазлыкъ аякъ джокъ, джангылмазлыкъ джаякъ джокъ.
![http://img341.imageshack.us/img341/3384/22316923ou 2.jpg]](http://img341.imageshack.us/img341/3384/22316923ou2.jpg "http://img341.imageshack.us/img341/3384/22316923ou 2.jpg]")
