Башсыз урчукъ тюзюне айланмаз.
Урама да – ёледи, сатама да – келеди.
Азыкълы ат арымаз, къатыны аман джарымаз.
Тюзню ётмеги тюзде къалса да, тас болмаз.
Ауузу аманнга «иги», деме.
Биреуню эскиси биреуге джангы болмайды.
Ачыу алгъа келсе, акъыл артха къалады.
Билеги кючлю, бирни джыгъар, билими кючлю, мингни джыгъар.
Хар адамгъа кеси миннген тау кибик.
Эшекни не къадар тюйсенг да, ат болмаз.
Ётюрюкню къуйругъу – бир тутум.
Кёз – сюйген джерде, къол – ауругъан джерде.
Атлыны ашхысы, ат тизгининден билинир
Джаным-тиним – окъуу, билим.
Эм уллу байлыкъ – джан саулукъ.
Зар адамны насыбы болмаз.
Чыкълы кюнде чыкъмагъан, чыкъса къуру кирмеген.
От этилмеген джерден тютюн чыкъмайды.
Ауругъаннга – кийик саулукъ, джетген къызгъа – чилле джаулукъ.
Джаралыны джастыгъында сау ёлюр.
Ёпкелегенни ашы татлы болады.
Сёз садакъдан кючлюдю.
Ышармагъан – кюлмез, кюлмеген – къууанчны билмез.
Керилген да, ургъан кибикди.
Тау башында, тау болмаз, джангыз терек, бау болмаз.
Баргъанынга кёре болур келгенинг.
Тешик этген тынчды, аны джамагъан къыйынды.
Игилик игилик бла сингдирилиучю затды.
Аманнга игилик этсенг, юйюнге сау бармазса.
Гырджын – тепсини тамадасы.
Иги адам абынса да, джангылмаз.
Орундукъ тюбюнде атылсам да, орта джиликме, де да айлан.
Айтханы чапыракъдан ётмеген.
Къатыны харакетли болса, эри къымсыз болур.
Экеу тутушса, биреу джыгъылыр.
Башланнган иш битер, къымылдагъан тиш тюшер.
Байлыкъ келсе, акъыл кетер.
Таякъ этден ётер, тил сюекден ётер.
Ёлген ийнек сютлю болур.
Ишин билген, аны сыйын чыгъарады.
Билмезни кёзю кёрмез, этмезни къулагъы эшитмез.
Къазанчы аман болса, къазаны къайнамаз.
Ачлыкъ отха секиртир.
Сагъышы джокъ – джукъучу, акъылы джокъ – къаугъачы.
Игини сыйлагъан адетди.
Айныгъанлы алты кюн, тогъайгъанлы тогъуз кюн.
Тамбла алтындан бюгюн багъыр ашхы.
Дуния аламаты сен эсенг да, игиме деб айтма.
Соргъан айыб тюлдю, билмеген айыбды.
Таукел тауну аудурур.
![http://img341.imageshack.us/img341/3384/22316923ou 2.jpg]](http://img341.imageshack.us/img341/3384/22316923ou2.jpg "http://img341.imageshack.us/img341/3384/22316923ou 2.jpg]")
