Джигер – джаннга къыйынлыкъ.
Джарашыу сюйген – джалынчакъ.
Эринчекге кюн узун.
Сыфатында болмагъаны, суратында болмаз.
Къумурсхала джыйылсала, пилни да джыгъадыла.
Эри аманны, къатыны – аман.
Къолунгдан къуймакъ ашатсанг да, атаны борчундан къутулмазса.
Къарт болгъан джерде, берекет болур, сабий болгъан джерде, оюн болур.
Джарлы эскисин джамаса, къууаныр.
Мухардан ач ычхынмаз.
Эр абынмай, эл танымаз.
Айырылгъанланы айю ашар, бёлюннгенлени бёрю ашар.
Байлыкъдан саулукъ ашхыды.
Aдам боллукъ, сыфатындан белгили.
Аман хансны – урлугъу кёб.
Къонакъ кёб келюучю юйню, къазаны отдан тюшмез.
Адебни адебсизден юрен.
Адеб базарда сатылмаз.
Къуру гыбыт бек дыгъырдар.
Кийимни бир кюнню аясанг, минг кюннге джарар.
Джауумдан сора, кюн кюйдюрюр, ётюрюкден сора, айыб кюйдюрюр.
Биреуню эскиси биреуге джангы болмайды.
Кёзюнде тереги болгъан, чёбю болгъаннга кюле эди.
Эки къатын алгъан – эки ташны ортасына башын салгъан.
Къазанны башы ачыкъ болса, итге уят керекди.
Эм ашхы къайын ана мамукъ бла башынгы тешер.
Рысхы джалгъанды: келген да этер, кетген да этер.
Къаллай салам берсенг, аллай джууаб алырса.
Эшекни не къадар тюйсенг да, ат болмаз.
Кюл тюбюндеги от кёрюнмейди.
Аман къатын алгъан, арыр, иги къатын алгъан джарыр.
Адамны аты башхача, акъылы да башхады.
Тура эдим джата, къайдан чыкъды хата?
Рысхысына кёре, джаш ёсер, къышлыгъына кёре, мал ёсер.
Къралынгы – душмандан, башынгы от бла суудан сакъла.
Билим ат болуб да чабар, къуш болуб да учар.
Билимсиз иш бармаз.
Таугъа чыгъаллыкъ эсенг, тюзде къалма.
Эринчекни эр алмаз, эр алса да, кёл салмаз, кёл салса да, кёб бармаз!
Адам къаллай бир ишленмесе, аллай бир кесин уллу кёреди.
Эртде тургъан бла эртде юйленнген сокъуранмаз.
Ата Джуртча джер болмаз, туугъан элча эл болмаз.
Нафысынгы айтханын этме, намысынгы айтханын эт.
Кесинг сынамагъан затны, адамгъа буюрма.
Аш кетер да бет къалыр.
Джашлыкъ этмеген, башлыкъ этмез.
Къарын къуру болса, джюрек уру болур.
«Ма», - дегенни билмесенг, «бер», - дегенни билмезсе.
Къартны сыйын кёрмеген, къартлыгъында сыйлы болмаз.
Айныгъанлы алты кюн, тогъайгъанлы тогъуз кюн.
![http://img341.imageshack.us/img341/3384/22316923ou 2.jpg]](http://img341.imageshack.us/img341/3384/22316923ou2.jpg "http://img341.imageshack.us/img341/3384/22316923ou 2.jpg]")
