Туз, гырджын аша, тюзлюк бла джаша.
Адебсиз адам – джюгенсиз ат.
Джан саулукъ бермей, сан саулукъ бермезсе.
Къыйынлы джети элге оноу этер.
«Ёгюз, джаргъа джууукъ барма, меннге джюк боллукъса», - дегенди эшек.
Ётюрюкню къуйругъу – бир тутум.
Таукел тауну аудурур.
Къонакъ кёб келюучю юйню, къазаны отдан тюшмез.
Джаным-тиним – окъуу, билим.
Джашда акъыл джокъ, къартда къарыу джокъ.
Сыфатында болмагъаны, суратында болмаз.
Ашыкъгъан cуу, тенгизге джетмез.
Сёз къанатсыз учар.
Ана къолу ачытмаз.
Адамны бетине къарама, адетине къара.
Адамгъа аман кюн соруб келмейди.
Ётюрюкню башын керти кесер.
Эм ашхы къайын ана мамукъ бла башынгы тешер.
Тойну къарнашы – харс, джырны къарнашы – эжиу.
Босагъагъа джууукъ орун болса, ашыгъыб тёрге озма.
Агъач – джерни чырайы, кийим – эрни чырайы.
Акъыл аздырмаз, билим тоздурмаз.
Аш иеси бла татлыды.
Аман хансны – урлугъу кёб.
Джаралыны джастыгъында сау ёлюр.
Къазанчы аман болса, къазаны къайнамаз.
Термилгенинги табмазса, кюлгенинге тюберсе.
Ариу джол аджал келтирмез.
Ётюрюкден тюбю джокъ, кёлтюрюрге джиби джокъ.
Адамны сыфатына къарама, сёзюне къара.
Ёмюрлюк шохлукъну джел элтмез.
Окъугъанны бети джарыкъ.
Чакъырылмагъан къонакъ тёрге атламаз.
Къая джолда джортма, ачыкъ сёзден къоркъма.
Джырчы ёлсе, джыры къалыр.
Намыс болмагъан джерде, насыб болмаз.
Арбаз сайлама да, хоншу сайла.
Ханнга да келеди хариблик.
Юйюнгден чыкъдынг – кюнюнгден чыкъдынг.
Чыбыкълыкъда бюгюлмеген, къазыкълыкъда бюгюлмей эди.
Чомартны къолун джокълукъ байлар.
Джашны джигитлиги сорулур, къызны джигерлиги сорулур.
Тенги кёбню джау алмаз, акъылы кёбню дау алмаз.
Адам сёзге тынгыла, акъыл сёзню ангыла.
Тойгъандан сора, ашны сёкме.
Элни кючю – эмеген.
Хоншуну тауугъу къаз кёрюнюр, келини къыз кёрюнюр.
Тин – байлыгъынг, терен саулугъунг.
Ишлерге уял да, ашаргъа табма.
Тенгни тенглиги джашай барсанг билинир.
