Тас болгъан бычакъны сабы – алтын.
Ауругъан – джашаудан умутчу.
Хазыр ашха – терен къашыкъ.
От этилмеген джерден тютюн чыкъмайды.
Ариу сёз – къылычдан джити.
Кюн – узун, ёмюр – къысха.
Ашхылыкъ джерде джатмайды, аманлыкъ суугъа батмайды.
Тилчи бир сагъатха айлыкъ хата этер.
Окъуусуз билим – джокъ, билимсиз кюнюнг – джокъ.
Иги – алгъыш этер, аман – къаргъыш этер.
Эл элде бирер малынг болгъандан эсе, бирер тенгинг болсун.
Ёпкелегенни ашы татлы болады.
Башы джабылгъан челекге, кир тюшмез.
Джюрекден джюрекге джол барды.
Элиб деген, элге болушур.
Ачыкъ джюрекге джол – ачыкъ.
Акъыл бла адеб эгизледиле.
Къумурсхала джыйылсала, пилни да джыгъадыла.
Ётюрюкню башын керти кесер.
Таш ата билмеген, башына урур.
Булут кёкге джарашыу, уят бетге джарашыу.
Халкъны юйю – туугъан джери.
Атлыны ашхысы, ат тизгининден билинир
Дуния малгъа сатылма, кесингден телиге къатылма.
Башда акъыл болмаса, эки аякъгъа кюч джетер.
Тилчи тилден къаныкъмаз.
Таугъа чыгъаллыкъ эсенг, тюзде къалма.
Джеринден айырылгъан – джети джылар, джуртундан айырылгъан – ёлгюнчю джылар.
Тенгинг джокъ эсе – изле, бар эсе – сакъла!
Ач къалгъандан, кеч къалгъан къолай.
Джигер – джаннга къыйынлыкъ.
Джангыз торгъай джырламаз.
Джырчы джырчыгъа – къарнаш.
Ашатыргъа иш – ашхы, ишлетирге аш – ашхы.
Кесинге джетмегенни, кёб сёлешме.
Айранын берсенг, челегин да къызгъанма.
Къарт бла баш аша, джаш бла аякъ аша.
Джылкъыдан – ат чыгъар, тукъумдан – джаш чыгъар.
Аман адамны тепсинге олтуртсанг, къызынгы тилер.
Ёзденликни джайгъан – джокълукъ.
Мадар болса, къадар болур.
Ишлегенден, къарагъан уста.
Байлыкъ тауусулур, билим тауусулмаз.
Къууут – джелге, берне – бошха.
Чабакъ башындан чирийди.
Адамны аманы адамны бети бла ойнар.
Билеги кючлю, бирни джыгъар, билими кючлю, мингни джыгъар.
Къызбайны юйюне дери сюрсенг, батыр болур.
Шекер бла туз – бир болмаз, ушамагъан – юй болмаз.
Юре билмеген ит, къонакъ келтирир.
