Чакъырылмагъан къонакъ къачан кетерин сормаз.
Ата – билек, ана – джюрек!
Джахил болса анасы, не билликди баласы?
Айыбны суу бла джууалмазса.
Итли къонакъ джарашмаз.
Атынг аманнга чыкъгъандан эсе, джанынг тамагъынгдан чыкъсын.
Тёзген – тёш ашар!
Ёнгкюч къууана барыр, джылай келир.
Ашлыкъны арба юйге келтирир, чана базаргъа элтир.
Сёлеш деб шай берген, тохта деб, сом берген.
Этни да ашады, бетни да ашады.
Бет бетге къараса, бет да джерге къарар.
Ханы къызы буюгъа-буюгъа киштик болду.
Агъач халкъгъа алтынды, иссиликге салкъынды.
Къууут – джелге, берне – бошха.
Мухар, кеси тойса да, кёзю тоймаз.
Игини сыйлагъан адетди.
Джырчы ёлсе, джыры къалыр.
Чоюнну башы ачыкъ болса, итге уят керекди.
Ата Джуртча джер болмаз, туугъан элча эл болмаз.
Акъыл неден да кючлюдю.
Эшекге миннген – биринчи айыб, андан джыгъылгъан – экинчи айыб.
Ач къарынны, токъ билмез
Билимсиз иш бармаз.
Ашлыкъ – бюртюкден, джюн – тюкден.
Къонакъ кёб келюучю юйню, къазаны отдан тюшмез.
Эл тойса, тоймагъан, эл къойса, къоймагъан.
Адамны аманы адамны бети бла ойнар.
Иши джокъну, сыйы джокъ.
Акъыл аздырмаз, билим тоздурмаз.
Юреннген ауруу къалмаз.
Джаханимни кёрмей, джандетге кёл салмазса.
Байдан умут эте, джарлыдан ёгюз багъасы къорады.
Мадар болса, къадар болур.
Тыш элде солтан болгъандан эсе, кесинги элде олтан болгъан игиди!
Ариу сёзде ауруу джокъ.
Джырчы джырчыгъа – къарнаш.
Бир онгсуз адам адет чыгъарды, деб эштирик тюлсе.
Джюрек кёзден алгъа кёрюр.
Тешигини къатында, чычхан да батыр болур.
Джыйырма къойну юч джыйырма эбзе кюте эди.
Ашда уялгъан – мухар, ишде уялгъан – хомух.
Бал чибинни ургъаны – ачы, балы – татлы.
Асхат ашлыкъ сата, юйдегиси ачдан къата.
Айтхан сёзюне табылгъан.
Битмегеннге сакъал – танг.
Адамны джюреги нени кёрюрге сюйсе, кёзю да аны кёрюрге ёч болады.
Эрине къаргъыш этген къатын, эрнин къабар.
Ариу сёз – джаннга азыкъ, аман сёз – башха къазыкъ.
Биреуге аманлыкъ этиб, кесинге игилик табмазса.
![http://img341.imageshack.us/img341/3384/22316923ou 2.jpg]](http://img341.imageshack.us/img341/3384/22316923ou2.jpg "http://img341.imageshack.us/img341/3384/22316923ou 2.jpg]")
