Алма терегинден кери кетмез.
Суугъа – таянма, джаугъа – ийнанма.
Къобан да къуру да къобханлай турмайды, адам да къуру да патчахлай турмайды.
Аманнга игилик этсенг, юйюнге сау бармазса.
Адам бла мюлк юлешмеген эсенг, ол адамны билиб бошагъанма, деб кесинги алдама.
Нёгерсизни джолу узун.
Тешигини къатында, чычхан да батыр болур.
Эр абынмай, эл танымаз.
Джырчы джырчыгъа – къарнаш.
Чабакъгъа акъыл, табагъа тюшсе келеди.
Адебсиз адам – джюгенсиз ат.
Тил – кесген бычакъ, сёз – атылгъан окъ.
Ач къарынны, токъ билмез
Билим ат болуб да чабар, къуш болуб да учар.
Окъуу – билимни ачхычы, окъуу – дунияны бачхычы.
Бермеген къол, алмайды.
Ачыу алгъа келсе, акъыл артха къалады.
Кёпюр салгъан кеси ётер, уру къазгъан кеси кетер.
Аллахха ийнаннган кишини, Аллах онгдурур ишин.
Ашатыргъа иш – ашхы, ишлетирге аш – ашхы.
Атадан ёксюз – бир ёксюз, анадан ёксюз – эки ёксюз.
Айтылгъан буйрукъ, сёгюлмез
Элиб деген, элге болушур.
Байлыкъ келсе, акъыл кетер.
Кийим тукъум сордурур.
Ётген ёмюр – акъгъан суу.
Аякъларынгы джууургъанынга кёре узат.
Агъач халкъгъа алтынды, иссиликге салкъынды.
Джарлыны тону джаз битер.
Тил джюрекге джол ишлейди.
Айырылгъанланы айю ашар, бёлюннгенлени бёрю ашар.
Кесине гебен этелмеген, биреуге черен эте эди.
Джарлы джети элни сёзюн этер.
Чакъырылмагъан къонакъ къачан кетерин сормаз.
Нарт сёз – тилни бети.
Нёгер болсанг, тенг бол, тенг болмасанг, кенг бол.
Чакъырылмагъан къонакъ тёрге атламаз.
Чыкълы кюнде чыкъмагъан, чыкъса къуру кирмеген.
Ханнга да келеди хариблик.
Бетинги сатма, малынгы сат.
Насыб бютеу халкъны юлюшюдю.
Къазанчы аман болса, къазаны къайнамаз.
Ашаса, ашамаса да, бёрюню ауузу – къан.
Биреуге аманлыкъны тилеме да, кесинге ашхылыкъны тиле.
Тыш элде солтан болгъандан эсе, кесинги элде олтан болгъан игиди!
Къуллукъчума, деб махтанма, къуллукъ – хаух джамчыды!
Джаханимни кёрмей, джандетге кёл салмазса.
Байма, деб да, къууанма, джарлыма, деб да, джылама.
Къоркъакъны кёзю экили кёрюр.
Сютден ауузу кюйген, суугъа юфгюре эди.
![http://img341.imageshack.us/img341/3384/22316923ou 2.jpg]](http://img341.imageshack.us/img341/3384/22316923ou2.jpg "http://img341.imageshack.us/img341/3384/22316923ou 2.jpg]")
