Ач келгенни – тойдур, кеч келгенни – къондур.
Берекет берсин деген джерде, берекет болур.
Тенгни тенглиги джашай барсанг билинир.
Аякъларынгы джууургъанынга кёре узат.
Кёб ант этген, кёб ётюрюк айтыр.
Юйлю уругъа ит чабмаз.
Керти сёзге тёре джокъ.
Адам бла мюлк юлешмеген эсенг, ол адамны билиб бошагъанма, деб кесинги алдама.
Тилчи бир сагъатха айлыкъ хата этер.
Босагъагъа джууукъ орун болса, ашыгъыб тёрге озма.
Мадар болса, къадар болур.
Тюзлюк шохлукъну бегитир.
Окъ къызбайны джокълайды.
Юйюнгден чыкъдынг – кюнюнгден чыкъдынг.
Сёлеш деб шай берген, тохта деб, сом берген.
Чомартны къолу берекет.
Къралынгы – душмандан, башынгы от бла суудан сакъла.
Къонагъы джокъну – шоху джокъ.
Экиндини кеч къылсанг, чабыб джетер ашхам.
Окъугъан – асыу, окъумагъан – джарсыу.
Эки элинги тыйсанг, джети элде махталырса.
Бёрю да ач къалмасын, эчки да ашалмасын.
Айтхан – тынч, этген – къыйын.
Ойнаб айтсанг да, эслеб айт.
Хазыр ашха – терен къашыкъ.
Тик ёргени, тик энгишгеси да болады.
Кёзю сокъурдан – къоркъма, кёлю сокъурдан – къоркъ.
Терек ауса, отунчу – кёб.
Кёб къычыргъандан – къоркъма, тынч олтургъандан – къоркъ.
Таш ата билмеген, башына урур.
Алим болгъандан эсе, адам болгъан къыйынды.
Эки ойлашыб, бир сёлешген.
Кюн – узун, ёмюр – къысха.
Аджалсыз ёлюм болмаз.
Чарсда алчыны эл кёреди.
Ата Джуртун танымагъан, атасын да танымаз.
Адебсиз адам – джюгенсиз ат.
Билимсиз иш бармаз.
Ашхы болсанг, атынг чыгъар, аман болсанг, джанынг чыгъар.
Аман адам элни бир-бирине джау этер.
Эл ауузу – элек, анга ийнаннган – халек.
Ёмюрлюк шохлукъну джел элтмез.
Шайтан алдады, тюзлюк къаргъады.
Ургъан суудан башынгы сакъла.
Эрни эр этерик да, къара джер этерик да, тиширыуду.
Сабийни джумушха джибер да, ызындан бар.
Тилчиден кери бол.
Къозулугъунда тоймагъан, къойлугъунда тоймаз.
Биреу ашаб къутулур, биреу джалаб тутулур.
Ачыу алгъа келсе, акъыл артха къалады.
![http://img341.imageshack.us/img341/3384/22316923ou 2.jpg]](http://img341.imageshack.us/img341/3384/22316923ou2.jpg "http://img341.imageshack.us/img341/3384/22316923ou 2.jpg]")
