Экеулен сёлеше тура эселе, орталарына барыб кирме.
Зарда марда джокъ.
Шапа кёб болса, аш татымсыз болур.
Ётюрюкню къуйругъу – бир тутум.
Кийим тукъум сордурур.
Атлыны кёрсе, джаяуну буту талыр.
Кёпюр салгъан кеси ётер, уру къазгъан кеси кетер.
Аман къатын алгъан, арыр, иги къатын алгъан джарыр.
Башсыз урчукъ тюзюне айланмаз.
Мени джылытмагъан кюн, меннге тиймесин!
Тели турса – той бузар.
Эркиши – от, тиширыу – суу.
Къарны аманнга къазан такъдырма, къолу аманнга от джакъдырма.
Танг атмайма десе да, кюн къоярыкъ тюйюлдю.
Элни кючю – эмеген.
Нёгер болсанг, тенг бол, тенг болмасанг, кенг бол.
Босагъа таш юйге кирмей эди, тыбыр таш эшикге чыкъмай эди.
Джукъу тёшек сайламайды.
Ёгюзню мюйюзюнден тутадыла, адамны сёзюнден тутадыла.
Адамны джюреги нени кёрюрге сюйсе, кёзю да аны кёрюрге ёч болады.
Биреу къой излей, биреу той излей.
Джашлыкъ этмеген, башлыкъ этмез.
Билим – акъылны чырагъы.
Узун джолну барсанг, бюгюн келирсе, къысха джолну барсанг, тамбла келирсе.
Къазанны башы ачыкъ болса, итге уят керекди.
Тил бла келеди джыр да.
Рысхысына кёре, джаш ёсер, къышлыгъына кёре, мал ёсер.
Ач уят къоймаз.
Айныгъанлы алты кюн, тогъайгъанлы тогъуз кюн.
Мал тутхан – май джалар.
Сууда джау джокъ, кёб сёзде магъана джокъ.
Къызны минг тилер, бир алыр.
Таула не мийик болсала да, аууш табылыр.
Ашаса, ашамаса да, бёрюню ауузу – къан.
Кюн – узун, ёмюр – къысха.
Таукел тауну аудурур.
Дууулдаса – бал чибин, къонса – къара чибин.
Биреуню эскиси биреуге джангы болмайды.
Байны къызы баймакъ болса да, юйде къалмаз!
Джети тилни билген джети кишиди.
Аман адам этегингден тутса, кес да къач.
Окъуусуз билим – джокъ, билимсиз кюнюнг – джокъ.
Ишленмеклик адамлыкъды.
Къарнынг тойгъунчу аша да, белинг талгъынчы ишле.
Чакъырылгъанны аты, чакъырылмагъанны багъасы болур.
Эли джокъну – кёлю джокъ.
Байлыкъ болгъан джерде, тынчлыкъ джокъду.
Къонакъны къачан кетерин сорма, къачан келлигин сор.
Бойнуму джети джерден кессенг да, мен ол ишни этеллик тюлме.
Тилсиз миллет джокъ болур.
![http://img341.imageshack.us/img341/3384/22316923ou 2.jpg]](http://img341.imageshack.us/img341/3384/22316923ou2.jpg "http://img341.imageshack.us/img341/3384/22316923ou 2.jpg]")
