Юй ишлеген балта эшикде къалыр.
Шайтан алдады, тюзлюк къаргъады.
Тили узунну, намысы – къысха.
Бал ашаргъа сюе эсенг, чибин ургъаннга тёз.
Азыкъ аз болса, эртде орун сал.
Акъыл неден да кючлюдю.
Джылыгъа джылан илешир.
Эркишиге тары кебек танг кёрюнюр.
Ауурну тюбю бла, дженгилни башы бла джюрюген.
Эл ауузу – элия.
Кюлме джашха – келир башха.
Адамгъа аман кюн соруб келмейди.
Хата – гитчеден.
Къарнынг ауруса, ауузунгу тый
Насыблыны баласы кюн кюнден да баш болур, насыбсызны баласы, кюн кюнден да джаш болур.
Байлыкъ болгъан джерде, тынчлыкъ джокъду.
Таякъ этден ётер, тил сюекден ётер.
Накъырданы арты керти болур.
Тил – кесген бычакъ, сёз – атылгъан окъ.
Ойнай билмеген, оюн бузар.
Кёлю джокъну – джолу джокъ.
Атадан ёксюз – бир ёксюз, анадан ёксюз – эки ёксюз.
Арпа, будай – ащды, алтын, кюмюш а – ташды.
Ханнга да келеди хариблик.
Бичгенде ашыкъма, тикгенде ашыкъ.
Ашлыкъ – бюртюкден, джюн – тюкден.
Башынга джетмегенни сорма.
Ачны эсинде – аш.
Аз сёлешген, къайгъысыз турур.
Акъыллы эркиши атын махтар, акъылсыз эркиши къатынын махтар.
Къонакъ аз олтурур, кёб сынар.
Джумушакъ терекни къурт ашар.
Ата – билек, ана – джюрек!
Чабакъгъа акъыл, табагъа тюшсе келеди.
Аш берме да, къаш бер.
Ашхы – джыяр, аман – джояр.
Борчунг бар эсе, хурджунунга ойлаб узал.
Айтхан – тынч, этген – къыйын.
Аууздан келген, къолдан келсе, ким да патчах болур эди.
Тас болгъан бычакъны сабы – алтын.
Уллу къазанда бишген эт, чий къалмаз.
Эркишини аманы тиширыуну джылатыр.
Ётюрюкден тюбю джокъ, кёлтюрюрге джиби джокъ.
Адамны джюреги нени кёрюрге сюйсе, кёзю да аны кёрюрге ёч болады.
Ёксюзню тилеги къабыл болур.
Татлы тилде – сёз ариу, чемер къолда – иш ариу.
Болджал ишни бёрю ашар.
Босагъа таш юйге кирмей эди, тыбыр таш эшикге чыкъмай эди.
Ашхылыкъ джерде джатмайды, аманлыкъ суугъа батмайды.
Къайгъыны сюйген, къайгъы табар.
![http://img341.imageshack.us/img341/3384/22316923ou 2.jpg]](http://img341.imageshack.us/img341/3384/22316923ou2.jpg "http://img341.imageshack.us/img341/3384/22316923ou 2.jpg]")
