Ашлыкъны арба юйге келтирир, чана базаргъа элтир.
Адам боллукъ, атламындан белгили болур.
Ётюрюкню башын керти кесер.
Адамны аманы адамны бети бла ойнар.
Суу ичген шауданынга тюкюрме.
Болджал ишни бёрю ашар.
Тик ёргени, тик энгишгеси да болады.
Эм уллу байлыкъ – джан саулукъ.
Керти сёзге тёре джокъ.
Эринчекни эр алмаз, эр алса да, кёл салмаз, кёл салса да, кёб бармаз!
Мухардан ач ычхынмаз.
Мал тутхан – май джалар.
Джюрек кёзден алгъа кёрюр.
Адам къыйынлыгъын кёлтюрюр, зауукълугъун кёлтюрмез.
Зарда марда джокъ.
Джырчы ёлсе, джыры къалыр.
Къан бла кирген, джан бла чыгъар.
Таукел адам тау тешер.
Иги бла джюрюсенг, джетерсе муратынга, аман бла джюрюсенг, къалырса уятха.
Гырджын – тепсини тамадасы.
Бермеген къол, алмайды.
Джолда аягъынга сакъ бол, ушакъда тилинге сакъ бол.
Терслик кетер, тюзлюк джетер.
Тойгъан антын унутур.
Билим насыб берир, билим джолну керир.
Ашаса, ашамаса да, бёрюню ауузу – къан.
Ариуну – ауруу кёб.
Ёмюрлюк шохлукъну джел элтмез.
Эркиши – от, тиширыу – суу.
Тюз сёз баргъан сууну тыяр.
Чабакъ башындан чирийди.
Нёгерсизни джолу узун.
Аман къатын сабий табса, бий болур…
Этни бети бла шорпасы.
Чабакъсыз кёлге къармакъ салгъанлыкъгъа, чабакъ тутмазса.
Джылкъыдан – ат чыгъар, тукъумдан – джаш чыгъар.
Орундукъ тюбюнде атылсам да, орта джиликме, де да айлан.
Сакъламагъан затынга джолукъсанг, не бек къууанаса, не бек ачыйса.
Эл элде бирер малынг болгъандан эсе, бирер тенгинг болсун.
Бал ашаргъа сюе эсенг, чибин ургъаннга тёз.
Экиндини кеч къылсанг, чабыб джетер ашхам.
Хар ишни да аллы къыйынды.
Билмезни кёзю кёрмез, этмезни къулагъы эшитмез.
Кюлме джашха – келир башха.
Тин – байлыгъынг, терен саулугъунг.
Борчунг бар эсе, хурджунунга ойлаб узал.
Баш – акъыл ючюн, акъылман – халкъ ючюн.
Эл тойса, тоймагъан, эл къойса, къоймагъан.
Мухар, кеси тойса да, кёзю тоймаз.
Хаухну атма, ёнгкючню сатма.
