Уллу атлама – абынырса, уллу къабма – къарылырса.
Тели турса – той бузар.
Адамны джюреги нени кёрюрге сюйсе, кёзю да аны кёрюрге ёч болады.
Къазанда болса, чолпугъа чыгъар.
Накъырда – кертини келечиси.
Чомарт джарлы болмаз.
Билими азны – ауузунда кирит.
Окъугъан – асыу, окъумагъан – джарсыу.
Къралынгы – душмандан, башынгы от бла суудан сакъла.
Джолунга кёре – джюрюшюнг, джагъанга кёре – юлюшюнг.
Хата – гитчеден.
Сибиртки да сыйлы болду, кюрек да кюнлю болду.
Сабий болмагъан джерде, мёлек болмаз.
Келлик заман – къартлыкъ келтирир, кетген заман – джашлыкъ ёлтюрюр.
Къазанны башы ачыкъ болса, итге уят керекди.
Эркишиге тары кебек танг кёрюнюр.
Айырылгъанланы айю ашар, бёлюннгенлени бёрю ашар.
Босагъагъа джууукъ орун болса, ашыгъыб тёрге озма.
Эрине къаргъыш этген къатын, эрнин къабар.
Кюл тюбюндеги от кёрюнмейди.
Акъыл аздырмаз, билим тоздурмаз.
Ашыкъгъан cуу, тенгизге джетмез.
Къартны бурнун сюрт да, оноугъа тут.
Аз айтсам, кёб ангылагъыз.
Адам сёзюнден белгили.
Ачыкъ джюрекге джол – ачыкъ.
Джашынгы кесинг юретмесенг, джашау юретир.
Чабакъсыз кёлге къармакъ салгъанлыкъгъа, чабакъ тутмазса.
«Ёгюз, джаргъа джууукъ барма, меннге джюк боллукъса», - дегенди эшек.
Татлы сёз – балдан татлы.
Ата Джуртча джер болмаз, туугъан элча эл болмаз.
Байлыкъ тауусулур, билим тауусулмаз.
Эл тойса, тоймагъан, эл къойса, къоймагъан.
Дуния мал дунияда къалады.
Байлыкъ келсе, акъыл кетер.
Миллетни бойну – базыкъ, аны бла кюрешген – джазыкъ.
Айтхан сёзюне табылгъан.
Ётген ёмюр – акъгъан суу.
Чабакъгъа акъыл, табагъа тюшсе келеди.
Сыфатында болмагъаны, суратында болмаз.
Джауумдан сора, кюн кюйдюрюр, ётюрюкден сора, айыб кюйдюрюр.
Уллу сёзде уят джокъ.
Минг тенг да азды, бир джау да кёбдю.
Къарнынг бла ёч алма.
Акъыллы башны – тили къысха.
Мени джылытмагъан кюн, меннге тиймесин!
Ауругъан – джашаудан умутчу.
Аллахдан тилесенг, кёб тиле.
Адеб этмеген, адеб кёрмез.
Суу да къайтады чыкъгъан джерине.
![http://img341.imageshack.us/img341/3384/22316923ou 2.jpg]](http://img341.imageshack.us/img341/3384/22316923ou2.jpg "http://img341.imageshack.us/img341/3384/22316923ou 2.jpg]")
