Ишни аллы бла къууанма да, арты бла къууан.
Байлыкъ тауусулур, билим тауусулмаз.
Ариу сёзде ауруу джокъ.
Эр сокъур болсун, къатын тилсиз болсун.
Тиширыусуз юй – отсуз от джагъа.
Гырджын – тепсини тамадасы.
Таякъ этден ётер, тил сюекден ётер.
Окъ къызбайны джокълайды.
Оюмсуз атлагъан, аджалсыз ёлюр.
Игини сыйлагъан адетди.
Ачылгъан эт джабылыр, кёрген кёз унутмаз.
Ашлыкъ – бюртюкден, джюн – тюкден.
Чыбыкълыкъда бюгюлмеген, къазыкълыкъда бюгюлмей эди.
Аллахха ийнаннган кишини, Аллах онгдурур ишин.
Чомартны къолун джокълукъ байлар.
Ашыкъгъанны этеги бутуна чырмалыр.
Ач – эснер, ат – кишнер.
Накъырданы арты керти болур.
Билген билмегенни юретген адетди.
Таукел адам тау тешер.
Ишге юренсин къоллары, халкъ бла болсун джоллары.
Эллинг бла джау болсанг да, юйюнг бла джау болма.
Этим кетсе да, сюегим къалыр.
Адам сёзге тынгыла, акъыл сёзню ангыла.
Орундукъ тюбюнде атылсам да, орта джиликме, де да айлан.
Тёрде – темир таякълы, къаяда – чыпчыкъ аякълы.
Тюз сёз баргъан сууну тыяр.
Ауругъаннга – кийик саулукъ, джетген къызгъа – чилле джаулукъ.
Чакъырылмай келген къонакъ сыйланмай кетер.
Джаз бир кюнню джатсанг, къыш талай кюнню абынырса.
Ана къолу ачытмаз.
Къарын къуру болса, джюрек уру болур.
Джюрекден джюрекге джол барды.
Ашхы – джыяр, аман – джояр.
Акъылсызны джууукъгъа алма, акъыллыны кенгнге салма.
Чабакъсыз кёлге къармакъ салгъанлыкъгъа, чабакъ тутмазса.
Этни да ашады, бетни да ашады.
Эл ауузу – элия.
Джарлы эскисин джамаса, къууаныр.
Башынга джетмегенни сорма.
Эрни эр этерик да, къара джер этерик да, тиширыуду.
Джангызны оту джарыкъ джанмаз!
Халкъны джырын джырласанг, халкъ санга эжиу этер.
Зар адамны насыбы болмаз.
Халкъгъа джарагъан, джарлы къалмаз.
Биреу ашаб къутулур, биреу джалаб тутулур.
Къалгъан ишге къар джауар.
Аманны тукъумуна къарама, игини тукъумун сорма.
Элни кючю – эмеген.
Хатерли къул болур.
![http://img341.imageshack.us/img341/3384/22316923ou 2.jpg]](http://img341.imageshack.us/img341/3384/22316923ou2.jpg "http://img341.imageshack.us/img341/3384/22316923ou 2.jpg]")
