Расширенный поиск
20 Мая 2024 года
Логин: Регистрация
Пароль: Забыли пароль?
Навигация
Словарь
  • Тил джюрекге джол ишлейди.
  • Къралынгы – душмандан, башынгы от бла суудан сакъла.
  • Босагъа таш юйге кирмей эди, тыбыр таш эшикге чыкъмай эди.
  • Аджал соруб келмез, келсе, къайтыб кетмез.
  • Мураты болгъанны джюрек тебюую башхады.
  • Хар зат кесини орнуна иги.
  • Аллахха ийнаннган кишини, Аллах онгдурур ишин.
  • Ётюрюкден тюбю джокъ, кёлтюрюрге джиби джокъ.
  • Иги болса, тамадама – махтау, аман болса, меннге – айыб.
  • Эл тойса, тоймагъан, эл къойса, къоймагъан.
  • Азыкълы ат арымаз, къатыны аман джарымаз.
  • Окъуусуз билим – джокъ, билимсиз кюнюнг – джокъ.
  • Таш ата билмеген, башына урур.
  • Мал тутхан – май джалар.
  • Аманнга да, игиге да оноусуз къатышма.
  • Элде адам къалмаса, ит тахтагъа минер.
  • Ауругъан – джашаудан умутчу.
  • Чабакъсыз кёлге къармакъ салгъанлыкъгъа, чабакъ тутмазса.
  • Келлик заман – къартлыкъ келтирир, кетген заман – джашлыкъ ёлтюрюр.
  • Тик ёргени, тик энгишгеси да болады.
  • Кёкдеги болмаса, джердегин кёрмейди.
  • Сютню башын джалагъан къутулур, тюбюн ичген тутулур.
  • Кёб ашасанг, татыуу чыкъмаз, кёб сёлешсенг, магъанасы чыкъмаз.
  • Ётюрюк хапар аякъ тюбю бла джюрюйдю.
  • Кёб къычыргъандан – къоркъма, тынч олтургъандан – къоркъ.
  • Намысы болмагъанны, сыйы болмаз.
  • Адамны джюреги нени кёрюрге сюйсе, кёзю да аны кёрюрге ёч болады.
  • Чарсда алчыны эл кёреди.
  • Ашлыкъны арба юйге келтирир, чана базаргъа элтир.
  • Хата – гитчеден.
  • Аманнга игилик этсенг, юйюнге сау бармазса.
  • Къарт бла баш аша, джаш бла аякъ аша.
  • Ёксюзню къалачы уллу кёрюнюр.
  • Аз сёлешген, къайгъысыз турур.
  • Билимден уллу байлыкъ джокъду.
  • Чакъырылмагъан джерге барма, чакъырылгъан джерден къалма.
  • Аш иеси бла татлыды.
  • «Ма», - дегенни билмесенг, «бер», - дегенни билмезсе.
  • Босагъагъа джууукъ орун болса, ашыгъыб тёрге озма.
  • Ач келгенни – тойдур, кеч келгенни – къондур.
  • Кёзден кетген, кёлден да кетеди.
  • Тенги кёбню джау алмаз, акъылы кёбню дау алмаз.
  • Тюзлюк шохлукъну бегитир.
  • Эки къатын алгъанны къулагъы тынгнгаймаз.
  • Ойнай билмеген, уруб къачар.
  • Эри аманны, къатыны – аман.
  • Таукел тауну аудурур.
  • Этек чакъмакълары баш джаргъан, сёлешген сёзлери таш джаргъан.
  • Билеги кючлю, бирни джыгъар, билими кючлю, мингни джыгъар.
  • Тура эдим джата, къайдан чыкъды хата?

Видеогалерея

Новое

Последнее просмотренное

Популярное

Радио Барс Эль

Будь на правильной волне!

Перейти

Последние комментарии