- Ариуну – ауруу кёб.
- Джашлыкъ этмеген, башлыкъ этмез.
- Джангызны оту джарыкъ джанмаз!
- Чарсда алчыны эл кёреди.
- Ёгюзню мюйюзлери ауурлукъ этмейдиле.
- Бек ашыкъгъан меннге джетсин, дегенди аракъы.
- Огъурлуну сёзю – суу, огъурсузну сёзю – уу.
- Итли къонакъ джарашмаз.
- Бир абыннган – минг сюрюнюр.
- Экеулен сёлеше тура эселе, орталарына барыб кирме.
- Джарашыу сюйген – джалынчакъ.
- Бети – къучакълар, джюреги – бычакълар.
- Аман адам этегингден тутса, кес да къач.
- Къатын байлыкъны сюер, эр саулукъну сюер.
- Джан саулукъ бермей, сан саулукъ бермезсе.
- Ёлюк кебинсиз къалмаз.
- Къазанда болса, чолпугъа чыгъар.
- Ишленмеклик адамлыкъды.
- Хаухну атма, ёнгкючню сатма.
- Айтхан сёзюне табылгъан.
- Асхат ашлыкъ сата, юйдегиси ачдан къата.
- Чыбыкълыкъда бюгюлмеген, къазыкълыкъда бюгюлмей эди.
- Термилгенинги табмазса, кюлгенинге тюберсе.
- Ауузу бла къуш тута айланады.
- Юйлю уругъа ит чабмаз.
- Кюн кёрмеген, кюн кёрсе, кюндюз чыракъ джандырыр.
- Бермеген къол, алмайды.
- Ауругъанны сау билмез, ач къарынны токъ билмез.
- Аман адамны тепсинге олтуртсанг, къызынгы тилер.
- Къонагъынгы артмагъын алма да, алгъышын ал.
- Джыгъылгъанны сырты джерден тоймаз.
- Ачлыкъда тары гырджын халыуадан татлы.
- Минг тенг да азды, бир джау да кёбдю.
- Хатерли къул болур.
- Тюз сёз баргъан сууну тыяр.
- Аманнга игилик этсенг, юйюнге сау бармазса.
- Къумурсхала джыйылсала, пилни да джыгъадыла.
- Рысхы – сют юсюнде кёмюк кибикди.
- Садакъачыны джаны – къапчыгъында.
- Бозаны арты дауур болур.
- Ёлген эшек бёрюден къоркъмайды.
- Джангыз терек къынгыр ёсер.
- Джарлыны тону джаз битер.
- Къарт болгъан джерде, берекет болур, сабий болгъан джерде, оюн болур.
- Адамны аманы адамны бети бла ойнар.
- Ата Джуртуму башы болмасам да, босагъасында ташы болайым.
- Халкъны джырын джырласанг, халкъ санга эжиу этер.
- Ургъан суудан башынгы сакъла.
- Акъыллы – эл иеси, тели – эл баласы.
- Танг атмайма десе да, кюн къоярыкъ тюйюлдю.
Къарачай-малкъар нарт сёзле!
15.01.2009 23:16:45
Нени сюйсенг анга тюберсе.
Нени сюрсенг анга тюберсе. Нёгерсизни джолу узун. |
|
|
|
15.01.2009 23:17:54
Пелиуанны да пелиуан хорлайды.
Пил ёллюк болса, туугъан джерине барады. Пилни да джегелле адамла. Пилни сюеги - кесинден багъалы. |
|
|
|
15.01.2009 23:18:30
Рышы - сютню юсюнде кёмюк кибик.
|
|
|
|
15.01.2009 23:25:14
бу форумда бар эди бир тема "нарт сёзле" деб, алай а анда къуру сабийлеге джомакъла эдиле...аны бла ачдым буну.
Блай алфавит бла табды да, бир излегенигиз болсада ![]() |
|
|
|
15.01.2009 23:32:01
Рамла
къайда батханса бу иги затлагъа))? |
|
|
|
15.01.2009 23:33:51
къайда батханса
![]() |
|
|
|
15.01.2009 23:36:11
шарылыб джунчутма))) айт))
|
|
|
|
15.01.2009 23:37:26
Материал из сайта Taulusoft.narod.ru
|
|
|
|
15.01.2009 23:40:43
сормай къойсам керек эди))))
|
|
|
|
16.01.2009 15:31:13
Ишлемеген тишлемез!!!
|
|
|
|
16.01.2009 17:38:17
Арасул
Ишлемеген тишлемез!!! башында И хариф болгъан джерде барды уже ![]() |
||||
|
|
|||
Читают тему (гостей: 1)