- Къайгъыны сюйген, къайгъы табар.
- Сибиртки да сыйлы болду, кюрек да кюнлю болду.
- Экеу тутушса, биреу джыгъылыр.
- Керилген да, ургъан кибикди.
- Кёз – сюйген джерде, къол – ауругъан джерде.
- Зар адамны насыбы болмаз.
- Билген билмегенни юретген адетди.
- Ашлыкъ – бюртюкден, джюн – тюкден.
- Уллу атлама – абынырса, уллу къабма – къарылырса.
- Адебсиз адам – джюгенсиз ат.
- Азыкъ аз болса, эртде орун сал.
- Къуру гыбыт бек дыгъырдар.
- Хоншуну тауугъу къаз кёрюнюр, келини къыз кёрюнюр.
- Байны оноуу, джарлыгъа джарамаз.
- Соргъан айыб тюлдю, билмеген айыбды.
- Къарт болгъан джерде, берекет болур, сабий болгъан джерде, оюн болур.
- Эте билген, этген этеди, эте билмеген, юретген этеди!
- Акъыл аздырмаз, билим тоздурмаз.
- Аманны къуугъан, аманлыкъ табар.
- Ойнай билмеген, уруб къачар.
- Урама да – ёледи, сатама да – келеди.
- Ёлген эшек бёрюден къоркъмайды.
- Юре билмеген ит, къонакъ келтирир.
- Ата Джуртуму башы болмасам да, босагъасында ташы болайым.
- Бичгенде ашыкъма, тикгенде ашыкъ.
- Джолунга кёре – джюрюшюнг, джагъанга кёре – юлюшюнг.
- Дуния мал дунияда къалады.
- Гугук кесини атын айтыб къычыргъанча, мен, мен деб нек тураса?
- Аш иеси бла татлыды.
- Тил – кесген бычакъ, сёз – атылгъан окъ.
- Аз айтсам, кёб ангылагъыз.
- От этилмеген джерден тютюн чыкъмайды.
- Ёлген аслан – сау чычхан.
- Булут кёкге джарашыу, уят бетге джарашыу.
- Джигер – джаннга къыйынлыкъ.
- Къонакъ болсанг, ийнакъ бол.
- Ач къарным, тынч къулагъым.
- Къызны минг тилер, бир алыр.
- Джарашыу сюйген – джалынчакъ.
- Чомартны къолу берекет.
- Джашынгы кесинг юретмесенг, джашау юретир.
- Шайтан алдады, тюзлюк къаргъады.
- Халкъгъа джарагъан, джарлы къалмаз.
- Джогъун бар этген, барын бал этген.
- Алим болгъандан эсе, адам болгъан къыйынды.
- Ариу – кёзге, акъыл – джюрекге.
- Азыгъы аз, алгъа къабар, аты аман, алгъа чабар.
- Биреуге кёлтюрген таягъынг, кесинги башынга урур.
- Намыс сатылыб алынмайды.
- Сютню башын джалагъан къутулур, тюбюн ичген тутулур.
Къарачай-малкъар нарт сёзле!
16.01.2009 02:16:45
Нени сюйсенг анга тюберсе.
Нени сюрсенг анга тюберсе. Нёгерсизни джолу узун. |
|
|
|
16.01.2009 02:17:54
Пелиуанны да пелиуан хорлайды.
Пил ёллюк болса, туугъан джерине барады. Пилни да джегелле адамла. Пилни сюеги - кесинден багъалы. |
|
|
|
16.01.2009 02:18:30
Рышы - сютню юсюнде кёмюк кибик.
|
|
|
|
16.01.2009 02:25:14
бу форумда бар эди бир тема "нарт сёзле" деб, алай а анда къуру сабийлеге джомакъла эдиле...аны бла ачдым буну.
Блай алфавит бла табды да, бир излегенигиз болсада |
|
|
|
16.01.2009 02:32:01
Рамла
къайда батханса бу иги затлагъа))? |
|
|
|
16.01.2009 02:33:51
къайда батханса
|
|
|
|
16.01.2009 02:36:11
шарылыб джунчутма))) айт))
|
|
|
|
16.01.2009 02:37:26
Материал из сайта Taulusoft.narod.ru
|
|
|
|
16.01.2009 02:40:43
сормай къойсам керек эди))))
|
|
|
|
16.01.2009 18:31:13
Ишлемеген тишлемез!!!
|
|
|
|
16.01.2009 20:38:17
Арасул
Ишлемеген тишлемез!!! башында И хариф болгъан джерде барды уже |
||||
|
|
|||
Читают тему (гостей: 1)