- Бек анасы джыламаз.
- Эл ауузу – элек, анга ийнаннган – халек.
- Халкъны юйю – туугъан джери.
- Келинин тута билмеген, къул этер, къызын тута билмеген, тул этер.
- Джырына кёре эжиую.
- Акъыллы – эл иеси, тели – эл баласы.
- Экеулен сёлеше тура эселе, орталарына барыб кирме.
- Ишин билген, аны сыйын чыгъарады.
- Кёзню ачылгъаны – иги, ауузну джабылгъаны – иги.
- Айыбны суу бла джууалмазса.
- Зар адам ашынгы ашар, кесинги сатар.
- Кесине оноу эте билмеген, халкъына да эте билмез.
- Ишни ахырын ойламай, аллын башлама.
- Джарашыу сюйген – джалынчакъ.
- Къатын байлыкъны сюер, эр саулукъну сюер.
- Ёлген ийнек сютлю болур.
- Атынг аманнга чыкъгъандан эсе, джанынг тамагъынгдан чыкъсын.
- Чёбню кёлтюрсенг, тюбюнден сёз чыгъар.
- Эр абынмай, эл танымаз.
- Къонакъ аман болса, къонакъбай джунчур
- Рысхы джалгъанды: келген да этер, кетген да этер.
- Адам боллукъ, атламындан белгили болур.
- Биреуге аманлыкъны тилеме да, кесинге ашхылыкъны тиле.
- Таугъа чыгъаллыкъ эсенг, тюзде къалма.
- Чакъырылмагъан джерге барма, чакъырылгъан джерден къалма.
- Ичимден чыкъды хата, къайры барайым сата?
- Ёзденликни джайгъан – джокълукъ.
- Эринчекге кюн узун.
- Айранын берсенг, челегин да къызгъанма.
- Чомарт къолда мал къалмаз.
- Адамны аманы адамны бети бла ойнар.
- Тойгъан джерге джети къайт.
- Сабийни джумушха джибер да, ызындан бар.
- Таукел тауну аудурур.
- Къобан да къуру да къобханлай турмайды, адам да къуру да патчахлай турмайды.
- Юй ишлеген балта эшикде къалыр.
- Джюрекден джюрекге джол барды.
- Керек ташны ауурлугъу джокъ.
- Байлыкъ тауусулур, билим тауусулмаз.
- Джарлы тюеге минсе да, ит къабар.
- Кимни – тили, тиши онглу, кимни – къолу, иши онглу.
- Аманнга алтын чыдамаз.
- Джарлы эскисин джамаса, къууаныр.
- Эки элинги тыйсанг, джети элде махталырса.
- Ашына кёре табагъы, балына кёре къалагъы.
- Бастасын ашагъан, хантусун да ичер.
- Эм ашхы къайын ана мамукъ бла башынгы тешер.
- Тойгъан джерден туугъан джер игиди.
- Ауузу аманнга «иги», деме.
- Адам сёзюнден белгили.
Къарачай-малкъар нарт сёзле!
16.01.2009 02:16:45
Нени сюйсенг анга тюберсе.
Нени сюрсенг анга тюберсе. Нёгерсизни джолу узун. |
|
|
|
16.01.2009 02:17:54
Пелиуанны да пелиуан хорлайды.
Пил ёллюк болса, туугъан джерине барады. Пилни да джегелле адамла. Пилни сюеги - кесинден багъалы. |
|
|
|
16.01.2009 02:18:30
Рышы - сютню юсюнде кёмюк кибик.
|
|
|
|
16.01.2009 02:25:14
бу форумда бар эди бир тема "нарт сёзле" деб, алай а анда къуру сабийлеге джомакъла эдиле...аны бла ачдым буну.
Блай алфавит бла табды да, бир излегенигиз болсада ![]() |
|
|
|
16.01.2009 02:32:01
Рамла
къайда батханса бу иги затлагъа))? |
|
|
|
16.01.2009 02:33:51
къайда батханса
![]() |
|
|
|
16.01.2009 02:36:11
шарылыб джунчутма))) айт))
|
|
|
|
16.01.2009 02:37:26
Материал из сайта Taulusoft.narod.ru
|
|
|
|
16.01.2009 02:40:43
сормай къойсам керек эди))))
|
|
|
|
16.01.2009 18:31:13
Ишлемеген тишлемез!!!
|
|
|
|
16.01.2009 20:38:17
Арасул
Ишлемеген тишлемез!!! башында И хариф болгъан джерде барды уже ![]() |
||||
|
|
|||
Читают тему (гостей: 1)