- Дженгил джетерикме деб, узун джолну къоюб, къысхасын барма.
- Намыс болмагъан джерде, насыб болмаз.
- Сескекли кесин билдирир.
- Ашлыкъны арба юйге келтирир, чана базаргъа элтир.
- Бал ашаргъа сюе эсенг, чибин ургъаннга тёз.
- Чыбыкълыкъда бюгюлмеген, къазыкълыкъда бюгюлмей эди.
- Ачны эсинде – аш.
- Аман къатын сабий табса, бий болур…
- Адам къаллай бир ишленмесе, аллай бир кесин уллу кёреди.
- Кюн – узун, ёмюр – къысха.
- Таукел къуру къалмаз.
- Азыкъ аз болса, эртде орун сал.
- Ауузу аманнга «иги», деме.
- Къарнынг тойгъунчу аша да, белинг талгъынчы ишле.
- Битмегеннге сакъал – танг.
- Терслик кетер, тюзлюк джетер.
- Окъугъан – асыу, окъумагъан – джарсыу.
- Кийиминг бла танылма, адамлыкъ бла таныл.
- «Ёгюз, джаргъа джууукъ барма, меннге джюк боллукъса», - дегенди эшек.
- Кесинге джетмегенни, кёб сёлешме.
- Ким бла джюрюсенг, аны кёзю бла кёрюнюрсе.
- Билим ат болуб да чабар, къуш болуб да учар.
- Адамны бетине къарама, адетине къара.
- Хатерли къул болур.
- Урама да – ёледи, сатама да – келеди.
- Ишлегенден, къарагъан уста.
- Ач – эснер, ат – кишнер.
- Мал кёб болса, джууукъ кёб болур.
- Эки къатын алгъанны къулагъы тынгнгаймаз.
- Абынмазлыкъ аякъ джокъ, джангылмазлыкъ джаякъ джокъ.
- Тёгюлген тюгел джыйылмайды.
- Ашыкъгъан cуу, тенгизге джетмез.
- Огъурлуну сёзю – суу, огъурсузну сёзю – уу.
- Адамны аманы адамны бети бла ойнар.
- Хансыз джомакъ болмаз.
- Къатын байлыкъны сюер, эр саулукъну сюер.
- Туз, гырджын аша, тюзлюк бла джаша.
- Сакъалы текени да бар, мыйыгъы киштикни да бар.
- Нёгерсизни джолу узун.
- Эринчекни аурууу – кёб.
- Къалгъан ишге къар джауар.
- Ойнаб айтсанг да, эслеб айт.
- Байны къызы баймакъ болса да, юйде къалмаз!
- Телиге акъыл салгъандан эсе, ёлгеннге джан салырса.
- Аш берме да, къаш бер.
- Арба аугъандан сора, джол кёргюзтюучю кёб болур.
- Кийим тукъум сордурур.
- Таш бла ургъанны, аш бла ур.
- Керти сёзге тёре джокъ.
- Къууут – джелге, берне – бошха.
Къарачай-малкъар нарт сёзле!
16.01.2009 02:16:45
Нени сюйсенг анга тюберсе.
Нени сюрсенг анга тюберсе. Нёгерсизни джолу узун. |
|
|
|
16.01.2009 02:17:54
Пелиуанны да пелиуан хорлайды.
Пил ёллюк болса, туугъан джерине барады. Пилни да джегелле адамла. Пилни сюеги - кесинден багъалы. |
|
|
|
16.01.2009 02:18:30
Рышы - сютню юсюнде кёмюк кибик.
|
|
|
|
16.01.2009 02:25:14
бу форумда бар эди бир тема "нарт сёзле" деб, алай а анда къуру сабийлеге джомакъла эдиле...аны бла ачдым буну.
Блай алфавит бла табды да, бир излегенигиз болсада ![]() |
|
|
|
16.01.2009 02:32:01
Рамла
къайда батханса бу иги затлагъа))? |
|
|
|
16.01.2009 02:33:51
къайда батханса
![]() |
|
|
|
16.01.2009 02:36:11
шарылыб джунчутма))) айт))
|
|
|
|
16.01.2009 02:37:26
Материал из сайта Taulusoft.narod.ru
|
|
|
|
16.01.2009 02:40:43
сормай къойсам керек эди))))
|
|
|
|
16.01.2009 18:31:13
Ишлемеген тишлемез!!!
|
|
|
|
16.01.2009 20:38:17
Арасул
Ишлемеген тишлемез!!! башында И хариф болгъан джерде барды уже ![]() |
||||
|
|
|||
Читают тему (гостей: 1)