- Башы джабылгъан челекге, кир тюшмез.
- Къатыны харакетли болса, эри къымсыз болур.
- Тёзген – тёш ашар!
- Тил бла келеди джыр да.
- Сыфатында болмагъаны, суратында болмаз.
- Иги адамны бир сёзю эки болмаз.
- Къыйынлы джети элни къайгъысын этер.
- Аман эсирсе, юйюн ояр.
- Баш болса, бёрк табылыр.
- Малны кют, джерни тюрт.
- Ёпкелегенни ашы татлы болады.
- Эллинг бла джау болсанг да, юйюнг бла джау болма.
- Ашын ашагъанынгы, башын да сыйла.
- Термилгенинги табмазса, кюлгенинге тюберсе.
- Къозулугъунда тоймагъан, къойлугъунда тоймаз.
- Итли къонакъ джарашмаз.
- Кийимни бир кюнню аясанг, минг кюннге джарар.
- Адамгъа аман кюн соруб келмейди.
- Къазанда болса, чолпугъа чыгъар.
- Тойгъа барсанг, тоюб бар, эски тонунгу къоюб бар.
- Ач – эснер, ат – кишнер.
- Адебни адебсизден юрен.
- Сибиртки да сыйлы болду, кюрек да кюнлю болду.
- Ойнай билмеген, уруб къачар.
- Тёрде – темир таякълы, къаяда – чыпчыкъ аякълы.
- Ишленмеклик адамлыкъды.
- Азыкълы ат арымаз, къатыны аман джарымаз.
- Аууздан келген, къолдан келсе, ким да патчах болур эди.
- Байны оноуу, джарлыгъа джарамаз.
- Билмейме деген – бир сёз
- Ач къалгъандан, кеч къалгъан къолай.
- Берекет берсин деген джерде, берекет болур.
- Алма терегинден кери кетмез.
- Юйюнг бла джау болгъандан эсе, элинг бла джау бол.
- Айырылмаз джууугъунга, унутмаз сёзню айтма.
- Ана къолу ачытмаз.
- Арпа, будай – ащды, алтын, кюмюш а – ташды.
- Къарт айтханны этмеген, къартаймаз.
- Таугъа чыгъаллыкъ эсенг, тюзде къалма.
- Билимли ёлмез, билимсиз кёрмез.
- Джарлы тюеге минсе да, ит къабар.
- Башсыз урчукъ тюзюне айланмаз.
- Эркишиге тары кебек танг кёрюнюр.
- Къуру гыбыт бек дыгъырдар.
- Бал – татлы, балдан да бала – татлы.
- Игилик игилик бла сингдирилиучю затды.
- Ашына кёре табагъы, балына кёре къалагъы.
- Билгенни къолу къарны джандырыр.
- Керилген да, ургъан кибикди.
- Уллу суу бла уллу ауруудан башынгы сакъла.
Къарачай-малкъар нарт сёзле!
16.01.2009 02:16:45
Нени сюйсенг анга тюберсе.
Нени сюрсенг анга тюберсе. Нёгерсизни джолу узун. |
|
|
|
16.01.2009 02:17:54
Пелиуанны да пелиуан хорлайды.
Пил ёллюк болса, туугъан джерине барады. Пилни да джегелле адамла. Пилни сюеги - кесинден багъалы. |
|
|
|
16.01.2009 02:18:30
Рышы - сютню юсюнде кёмюк кибик.
|
|
|
|
16.01.2009 02:25:14
бу форумда бар эди бир тема "нарт сёзле" деб, алай а анда къуру сабийлеге джомакъла эдиле...аны бла ачдым буну.
Блай алфавит бла табды да, бир излегенигиз болсада |
|
|
|
16.01.2009 02:32:01
Рамла
къайда батханса бу иги затлагъа))? |
|
|
|
16.01.2009 02:33:51
къайда батханса
|
|
|
|
16.01.2009 02:36:11
шарылыб джунчутма))) айт))
|
|
|
|
16.01.2009 02:37:26
Материал из сайта Taulusoft.narod.ru
|
|
|
|
16.01.2009 02:40:43
сормай къойсам керек эди))))
|
|
|
|
16.01.2009 18:31:13
Ишлемеген тишлемез!!!
|
|
|
|
16.01.2009 20:38:17
Арасул
Ишлемеген тишлемез!!! башында И хариф болгъан джерде барды уже |
||||
|
|
|||
Читают тему (гостей: 1)