- Эркишини аманы тиширыуну джылатыр.
- Ашына кёре табагъы, балына кёре къалагъы.
- Таукел адам тау тешер.
- Джаш къарыу бла кючлю, къарт акъыл бла кючлю.
- Айранын берсенг, челегин да къызгъанма.
- Атлыны кёрсе, джаяуну буту талыр.
- Тёрдеги кюлсе, эшикдеги ышарыр.
- Къумурсхала джыйылсала, пилни да джыгъадыла.
- Къонагъынгы артмагъын алма да, алгъышын ал.
- Бек ашыкъгъан меннге джетсин, дегенди аракъы.
- Сакъалы текени да бар, мыйыгъы киштикни да бар.
- Акъдан къара болмаз.
- Борчунг бар эсе, хурджунунга ойлаб узал.
- Ишлерге уял да, ашаргъа табма.
- Айтханы чапыракъдан ётмеген.
- Сыфатында болмагъаны, суратында болмаз.
- Кенгеш болса, уруш болмаз.
- Ётюрюкню башын керти кесер.
- Иги сёз – джаннга азыкъ, аман сёз башха – къазыкъ.
- Адам сёзюнден белгили.
- Мал ёлсе, сюек къалыр, адам ёлсе, иши къалыр.
- Ариу сёз – къылычдан джити.
- Акъыллы – эл иеси, тели – эл баласы.
- Сормай – алма, чакъырылмай – барма.
- Ишге юренсин къоллары, халкъ бла болсун джоллары.
- Башланнган иш битер, къымылдагъан тиш тюшер.
- Дженгил джетерикме деб, узун джолну къоюб, къысхасын барма.
- Тюкюрюк баш джармаз, налат кёз чыгъармаз!
- Аманнга игилик этсенг, юйюнге сау бармазса.
- Алма терегинден кери кетмез.
- Рысхы – насыбха къор.
- Ойнай билмеген, уруб къачар.
- Юйюнг бла джау болгъандан эсе, элинг бла джау бол.
- Аман киши кеси юйюнде – къонакъ.
- Сагъыш – къартлыкъгъа сюйюмчю.
- Юй кюйдю да, кюйюз чыкъды, ортасындан тюйюш чыкъды.
- Арба аугъандан сора, джол кёргюзтюучю кёб болур.
- Кесинге джетмегенни, кёб сёлешме.
- Ауругъаннга – кийик саулукъ, джетген къызгъа – чилле джаулукъ.
- Джан саулукъ бермей, сан саулукъ бермезсе.
- Арпа, будай – ащды, алтын, кюмюш а – ташды.
- Билеги кючлю, бирни джыгъар, билими кючлю, мингни джыгъар.
- Нарт сёз – тилни бети.
- Акъыл бла адеб эгизледиле.
- Кимни – тили, тиши онглу, кимни – къолу, иши онглу.
- Аджалсыз ёлюм болмаз.
- Эркишиге тары кебек танг кёрюнюр.
- Сакъламагъан затынга джолукъсанг, не бек къууанаса, не бек ачыйса.
- Тау башында, тау болмаз, джангыз терек, бау болмаз.
- Малны кют, джерни тюрт.
Къарачай-малкъар нарт сёзле!
16.01.2009 02:16:45
Нени сюйсенг анга тюберсе.
Нени сюрсенг анга тюберсе. Нёгерсизни джолу узун. |
|
|
|
16.01.2009 02:17:54
Пелиуанны да пелиуан хорлайды.
Пил ёллюк болса, туугъан джерине барады. Пилни да джегелле адамла. Пилни сюеги - кесинден багъалы. |
|
|
|
16.01.2009 02:18:30
Рышы - сютню юсюнде кёмюк кибик.
|
|
|
|
16.01.2009 02:25:14
бу форумда бар эди бир тема "нарт сёзле" деб, алай а анда къуру сабийлеге джомакъла эдиле...аны бла ачдым буну.
Блай алфавит бла табды да, бир излегенигиз болсада |
|
|
|
16.01.2009 02:32:01
Рамла
къайда батханса бу иги затлагъа))? |
|
|
|
16.01.2009 02:33:51
къайда батханса
|
|
|
|
16.01.2009 02:36:11
шарылыб джунчутма))) айт))
|
|
|
|
16.01.2009 02:37:26
Материал из сайта Taulusoft.narod.ru
|
|
|
|
16.01.2009 02:40:43
сормай къойсам керек эди))))
|
|
|
|
16.01.2009 18:31:13
Ишлемеген тишлемез!!!
|
|
|
|
16.01.2009 20:38:17
Арасул
Ишлемеген тишлемез!!! башында И хариф болгъан джерде барды уже |
||||
|
|
|||
Читают тему (гостей: 1)