- Бал чибинни ургъаны – ачы, балы – татлы.
- Ашхы – джыяр, аман – джояр.
- Джашны джигитлиги сорулур, къызны джигерлиги сорулур.
- Эки къатын алгъан – эки ташны ортасына башын салгъан.
- Ата джурт – алтын бешик.
- Эринчекге кюн узун.
- Битмегеннге сакъал – танг.
- Билгенни къолу къарны джандырыр.
- Сабийликде юретмесенг, уллу болса – тюзелмез.
- Ашлыкъны арба юйге келтирир, чана базаргъа элтир.
- Тёрени джагъы джокъ.
- Тынгылагъан тынгы бузар.
- Зарда марда джокъ.
- Тилде сюек болмаса да, сюек сындырыр.
- Ишленмеген джаш – джюгенсиз ат, ишленмеген къыз – тузсуз хант.
- Азыгъы аз, алгъа къабар, аты аман, алгъа чабар.
- Къолунгдан къуймакъ ашатсанг да, атаны борчундан къутулмазса.
- Аууз сакълагъан – джан сакълар.
- Билим насыб берир, билим джолну керир.
- Чабакъсыз кёлге къармакъ салгъанлыкъгъа, чабакъ тутмазса.
- Байлыкъдан саулукъ ашхыды.
- Къонакъ кёб келюучю юйню, къазаны отдан тюшмез.
- Иги адамны бир сёзю эки болмаз.
- Шайтан алдады, тюзлюк къаргъады.
- Этим кетсе да, сюегим къалыр.
- Ауузу бла къуш тута айланады.
- Кёбден умут этиб, аздан къуру къалма.
- Адеб этмеген, адеб кёрмез.
- Ат да турмайды бир териде.
- Уллу къашыкъ эрин джыртар.
- Алтыда кюлмеген, алтмышда кюлмез.
- Кёкдеги болмаса, джердегин кёрмейди.
- Уллу суу бла уллу ауруудан башынгы сакъла.
- Аз сёлеш, кёб ишле.
- Джаз бир кюнню джатсанг, къыш талай кюнню абынырса.
- Къайтырыкъ эшигинги, къаты уруб чыкъма.
- Арба аугъандан сора, джол кёргюзтюучю кёб болур.
- Кёб ант этген, кёб ётюрюк айтыр.
- Рысхы – насыбха къор.
- Таукелге нюр джауар.
- Халкъны юйю – туугъан джери.
- Ауругъанны сау билмез, ач къарынны токъ билмез.
- Ётюрюкню къуйругъу – бир тутум.
- Джарлыны тону джаз битер.
- Элни кючю – эмеген.
- Чомарт джарлы болмаз.
- Эки итни арасына сюек атма, эки адамны арасында сёз чыгъарма.
- Джеринден айырылгъан – джети джылар, джуртундан айырылгъан – ёлгюнчю джылар.
- Ишленмеклик адамлыкъды.
- Чомартны къолу берекет.
Къарачай-малкъар нарт сёзле!
16.01.2009 02:16:45
Нени сюйсенг анга тюберсе.
Нени сюрсенг анга тюберсе. Нёгерсизни джолу узун. |
|
|
|
16.01.2009 02:17:54
Пелиуанны да пелиуан хорлайды.
Пил ёллюк болса, туугъан джерине барады. Пилни да джегелле адамла. Пилни сюеги - кесинден багъалы. |
|
|
|
16.01.2009 02:18:30
Рышы - сютню юсюнде кёмюк кибик.
|
|
|
|
16.01.2009 02:25:14
бу форумда бар эди бир тема "нарт сёзле" деб, алай а анда къуру сабийлеге джомакъла эдиле...аны бла ачдым буну.
Блай алфавит бла табды да, бир излегенигиз болсада |
|
|
|
16.01.2009 02:32:01
Рамла
къайда батханса бу иги затлагъа))? |
|
|
|
16.01.2009 02:33:51
къайда батханса
|
|
|
|
16.01.2009 02:36:11
шарылыб джунчутма))) айт))
|
|
|
|
16.01.2009 02:37:26
Материал из сайта Taulusoft.narod.ru
|
|
|
|
16.01.2009 02:40:43
сормай къойсам керек эди))))
|
|
|
|
16.01.2009 18:31:13
Ишлемеген тишлемез!!!
|
|
|
|
16.01.2009 20:38:17
Арасул
Ишлемеген тишлемез!!! башында И хариф болгъан джерде барды уже |
||||
|
|
|||
Читают тему (гостей: 1)