- Ашлыкъны арба юйге келтирир, чана базаргъа элтир.
- Нёгерсизни джолу узун.
- Джырчы ёлсе, джыры къалыр.
- Къыз келсе, джумуш эте келеди, къатын келсе, ушакъ эте келеди.
- Джерни букъусу кёкге къонмаз.
- Тенгинг джокъ эсе – изле, бар эсе – сакъла!
- Айтхан – тынч, этген – къыйын.
- Суу да къайтады чыкъгъан джерине.
- Айран тёгюлсе, джугъусу къалыр.
- Ётюрюк хапар аякъ тюбю бла джюрюйдю.
- Огъурлуну сёзю – суу, огъурсузну сёзю – уу.
- Минг тенг да азды, бир джау да кёбдю.
- Ач келгенни – тойдур, кеч келгенни – къондур.
- Нарт сёз къарт болмаз.
- Борчунг бар эсе, хурджунунга ойлаб узал.
- Ариу – кёзге, акъыл – джюрекге.
- Адеби болмагъан къыз – тузсуз хант.
- Эркишиге тары кебек танг кёрюнюр.
- Гугук кесини атын айтыб къычыргъанча, мен, мен деб нек тураса?
- Чоюнну башы ачыкъ болса, итге уят керекди.
- Ариу сёз – джаннга азыкъ, аман сёз – башха къазыкъ.
- Башы ишлегенни, ауузу да ишлер.
- Бал ашаргъа сюе эсенг, чибин ургъаннга тёз.
- Сёз къанатсыз учар.
- Терек ауса, отунчу – кёб.
- Байдан умут эте, джарлыдан ёгюз багъасы къорады.
- Тил бла келеди джыр да.
- Акъыллы башны – тили къысха.
- Ариу сёз джыланны орнундан чыгъарыр.
- Гырджын – тепсини тамадасы.
- Таукел тауну аудурур.
- Орундукъ тюбюнде атылсам да, орта джиликме, де да айлан.
- Чабар ат – джетген къыз.
- Кёб джат да, бек чаб.
- Къарын къуру болса, джюрек уру болур.
- Игиге айтсанг – билир, аманнга айтсанг – кюлюр.
- Эртде тургъан джылкъычыны эркек аты тай табар.
- Ашхылыкъ джерде джатмайды, аманлыкъ суугъа батмайды.
- Малны кют, джерни тюрт.
- Джиби бир къат джетмей эди да, эки къат тарта эди.
- Кёбню кёрген – кёб билир.
- Къолунгдан къуймакъ ашатсанг да, атаны борчундан къутулмазса.
- Хар адамгъа кеси миннген тау кибик.
- Ишин билген, аны сыйын чыгъарады.
- Адамны джюреги нени кёрюрге сюйсе, кёзю да аны кёрюрге ёч болады.
- Эки къатын алгъанны къулагъы тынгнгаймаз.
- Эринчекни эр алмаз, эр алса да, кёл салмаз, кёл салса да, кёб бармаз!
- Ойнаб айтсанг да, эслеб айт.
- Ата джурт – алтын бешик.
- Мухардан ач ычхынмаз.
Къарачай-малкъар нарт сёзле!
16.01.2009 02:16:45
Нени сюйсенг анга тюберсе.
Нени сюрсенг анга тюберсе. Нёгерсизни джолу узун. |
|
|
|
16.01.2009 02:17:54
Пелиуанны да пелиуан хорлайды.
Пил ёллюк болса, туугъан джерине барады. Пилни да джегелле адамла. Пилни сюеги - кесинден багъалы. |
|
|
|
16.01.2009 02:18:30
Рышы - сютню юсюнде кёмюк кибик.
|
|
|
|
16.01.2009 02:25:14
бу форумда бар эди бир тема "нарт сёзле" деб, алай а анда къуру сабийлеге джомакъла эдиле...аны бла ачдым буну.
Блай алфавит бла табды да, бир излегенигиз болсада |
|
|
|
16.01.2009 02:32:01
Рамла
къайда батханса бу иги затлагъа))? |
|
|
|
16.01.2009 02:33:51
къайда батханса
|
|
|
|
16.01.2009 02:36:11
шарылыб джунчутма))) айт))
|
|
|
|
16.01.2009 02:37:26
Материал из сайта Taulusoft.narod.ru
|
|
|
|
16.01.2009 02:40:43
сормай къойсам керек эди))))
|
|
|
|
16.01.2009 18:31:13
Ишлемеген тишлемез!!!
|
|
|
|
16.01.2009 20:38:17
Арасул
Ишлемеген тишлемез!!! башында И хариф болгъан джерде барды уже |
||||
|
|
|||
Читают тему (гостей: 1)