- Орну джокъну – сыйы джокъ.
- Булут кёкге джарашыу, уят бетге джарашыу.
- Атадан ёксюз – бир ёксюз, анадан ёксюз – эки ёксюз.
- Эшекни не къадар тюйсенг да, ат болмаз.
- Джарашыу сюйген – джалынчакъ.
- Джумушакъ терекни къурт ашар.
- Эртде тургъан бла эртде юйленнген сокъуранмаз.
- Окъумагъан сокъурду, сокъур ташха абыныр!
- Джан саулукъ бермей, сан саулукъ бермезсе.
- Арбаз къынгырды да, ийнек сауалмайма.
- Дуния мал дунияда къалады.
- Уллу айтханны этмеген – уллаймаз.
- Бастасын ашагъан, хантусун да ичер.
- Байлыкъ адамны сокъур этер.
- Айтылгъан сёз ызына къайтмаз.
- Эли джокъну – кёлю джокъ.
- Ишлемеген – тишлемез.
- Къумурсхала джыйылсала, пилни да джыгъадыла.
- Ёлген ийнек сютлю болур.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Кечеси – аяз, кюню – къыш, джарлы къаргъагъа бир аш тюш!
- Ариу сёз – къылычдан джити.
- Чомарт бергенин айтмаз.
- Ёлмесенг да, къарт дамы болмазса?
- Байны къызы баймакъ болса да, юйде къалмаз!
- Экеулен сёлеше тура эселе, орталарына барыб кирме.
- Накъырданы арты керти болур.
- Бетинги сатма, малынгы сат.
- Эринчекге кюн узун.
- Билмейме деген – бир сёз
- Тилчиден кери бол.
- Джолунга кёре – джюрюшюнг, джагъанга кёре – юлюшюнг.
- Айырылгъанланы айю ашар, бёлюннгенлени бёрю ашар.
- Махтаннган къыз, тойда джукълар.
- Къызны минг тилер, бир алыр.
- Бёрю да ач къалмасын, эчки да ашалмасын.
- Сютден ауузу кюйген, суугъа юфгюре эди.
- Къолу уллу – асыу, аягъы уллу – джарсыу.
- Гырджын – тепсини тамадасы.
- Билимден уллу байлыкъ джокъду.
- Къатын байлыкъны сюер, эр саулукъну сюер.
- Ач бёрюге мекям джокъ.
- Тешик этген тынчды, аны джамагъан къыйынды.
- Ач да бол, токъ да бол – намысынга бек бол.
- Ётюрюкден тюбю джокъ, кёлтюрюрге джиби джокъ.
- Билимсиз иш бармаз.
- Сютню башын джалагъан къутулур, тюбюн ичген тутулур.
- Джетген къыз джерли эшекни танымаз.
- Келинни – келгинчи, бёркню кийгинчи кёр.
- Джаш къарыу бла кючлю, къарт акъыл бла кючлю.
Къарачай-малкъар нарт сёзле!
16.01.2009 02:16:45
Нени сюйсенг анга тюберсе.
Нени сюрсенг анга тюберсе. Нёгерсизни джолу узун. |
|
|
|
16.01.2009 02:17:54
Пелиуанны да пелиуан хорлайды.
Пил ёллюк болса, туугъан джерине барады. Пилни да джегелле адамла. Пилни сюеги - кесинден багъалы. |
|
|
|
16.01.2009 02:18:30
Рышы - сютню юсюнде кёмюк кибик.
|
|
|
|
16.01.2009 02:25:14
бу форумда бар эди бир тема "нарт сёзле" деб, алай а анда къуру сабийлеге джомакъла эдиле...аны бла ачдым буну.
Блай алфавит бла табды да, бир излегенигиз болсада ![]() |
|
|
|
16.01.2009 02:32:01
Рамла
къайда батханса бу иги затлагъа))? |
|
|
|
16.01.2009 02:33:51
къайда батханса
![]() |
|
|
|
16.01.2009 02:36:11
шарылыб джунчутма))) айт))
|
|
|
|
16.01.2009 02:37:26
Материал из сайта Taulusoft.narod.ru
|
|
|
|
16.01.2009 02:40:43
сормай къойсам керек эди))))
|
|
|
|
16.01.2009 18:31:13
Ишлемеген тишлемез!!!
|
|
|
|
16.01.2009 20:38:17
Арасул
Ишлемеген тишлемез!!! башында И хариф болгъан джерде барды уже ![]() |
||||
|
|
|||
Читают тему (гостей: 1)