- Адамны артындан къара сабан сюрме.
- Садакъачыны джаны – къапчыгъында.
- Ишге юренсин къоллары, халкъ бла болсун джоллары.
- Ач, тоймам, дейди, тойгъан, ач болмам, дейди.
- Иги бла джюрюсенг, джетерсе муратынга, аман бла джюрюсенг, къалырса уятха.
- Намысы болмагъанны, сыйы болмаз.
- Тенгни тенглиги джашай барсанг билинир.
- Ишленмеген джаш – джюгенсиз ат, ишленмеген къыз – тузсуз хант.
- Эринчекни аурууу – кёб.
- Ариу сёз – джаннга азыкъ, аман сёз – башха къазыкъ.
- Сютню башын джалагъан къутулур, тюбюн ичген тутулур.
- Башы ишлегенни, ауузу да ишлер.
- Бермеген къол, алмайды.
- Ёлюк кебинсиз къалмаз.
- Джылар джаш, атасыны сакъалы бла ойнар.
- Ата Джуртун танымагъан, атасын да танымаз.
- Керек ташны ауурлугъу джокъ.
- Эр абынмай, эл танымаз.
- Къолунгдан къуймакъ ашатсанг да, атаны борчундан къутулмазса.
- Хар зат кесини орнуна иги.
- Келинни – келгинчи, бёркню кийгинчи кёр.
- Билимсиз иш бармаз.
- Сагъышы джокъ – джукъучу, акъылы джокъ – къаугъачы.
- Эл ауузу – элек, анга ийнаннган – халек.
- Эркишини аманы тиширыуну джылатыр.
- Аджашхан тёгерек айланыр.
- Уллу суу бла уллу ауруудан башынгы сакъла.
- Ашхы болсанг, атынг чыгъар, аман болсанг, джанынг чыгъар.
- Тюзлюк шохлукъну бегитир.
- Аджашханны ызындагъы кёреди, джангылгъанны джанындагъы биледи.
- Ариуну – ауруу кёб.
- Къонакъ аман болса, къонакъбай джунчур
- Байлыкъ келсе, акъыл кетер.
- Аджалсыз ёлюм болмаз.
- Ашда – бёрю, ишде – ёлю.
- Кеси юйюмде мен да ханма.
- Чабакъгъа акъыл, табагъа тюшсе келеди.
- Арба аугъандан сора, джол кёргюзтюучю кёб болур.
- Битмегеннге сакъал – танг.
- Ётюрюкню башын керти кесер.
- Эки итни арасына сюек атма, эки адамны арасында сёз чыгъарма.
- Джырчы джырчыгъа – къарнаш.
- Эшекге миннген – биринчи айыб, андан джыгъылгъан – экинчи айыб.
- Кютгени беш эчки, сызгъыргъаны уа, джерни джарады.
- Дуния аламаты сен эсенг да, игиме деб айтма.
- Терслик кетер, тюзлюк джетер.
- Арбаз сайлама да, хоншу сайла.
- Джашынгы кесинг юретмесенг, джашау юретир.
- Сёз садакъдан кючлюдю.
- Таугъа чыгъаллыкъ эсенг, тюзде къалма.
Къарачай-малкъар нарт сёзле!
15.01.2009 23:16:45
Нени сюйсенг анга тюберсе.
Нени сюрсенг анга тюберсе. Нёгерсизни джолу узун. |
|
|
|
15.01.2009 23:17:54
Пелиуанны да пелиуан хорлайды.
Пил ёллюк болса, туугъан джерине барады. Пилни да джегелле адамла. Пилни сюеги - кесинден багъалы. |
|
|
|
15.01.2009 23:18:30
Рышы - сютню юсюнде кёмюк кибик.
|
|
|
|
15.01.2009 23:25:14
бу форумда бар эди бир тема "нарт сёзле" деб, алай а анда къуру сабийлеге джомакъла эдиле...аны бла ачдым буну.
Блай алфавит бла табды да, бир излегенигиз болсада ![]() |
|
|
|
15.01.2009 23:32:01
Рамла
къайда батханса бу иги затлагъа))? |
|
|
|
15.01.2009 23:33:51
къайда батханса
![]() |
|
|
|
15.01.2009 23:36:11
шарылыб джунчутма))) айт))
|
|
|
|
15.01.2009 23:37:26
Материал из сайта Taulusoft.narod.ru
|
|
|
|
15.01.2009 23:40:43
сормай къойсам керек эди))))
|
|
|
|
16.01.2009 15:31:13
Ишлемеген тишлемез!!!
|
|
|
|
16.01.2009 17:38:17
Арасул
Ишлемеген тишлемез!!! башында И хариф болгъан джерде барды уже ![]() |
||||
|
|
|||
Читают тему (гостей: 1)