- Ётюрюкню къуйругъу – бир тутум.
- Арпа, будай – ащды, алтын, кюмюш а – ташды.
- Акъыллы эркиши атын махтар, акъылсыз эркиши къатынын махтар.
- Рысхы – сют юсюнде кёмюк кибикди.
- Эки къатын алгъанны къулагъы тынгнгаймаз.
- Ач келгенни – тойдур, кеч келгенни – къондур.
- Билим къая тешер.
- Суугъа – чабакъ, къаягъа – ыргъакъ.
- Акъыллы башны – тили къысха.
- Таякъ этден ётер, тил сюекден ётер.
- Арба аугъандан сора, джол кёргюзтюучю кёб болур.
- Айырылгъанланы айю ашар, бёлюннгенлени бёрю ашар.
- Бичгенде ашыкъма, тикгенде ашыкъ.
- Сибиртки да сыйлы болду, кюрек да кюнлю болду.
- Адеб джокъда, намыс джокъ.
- Аз сёлешген, къайгъысыз турур.
- Акъыл неден да кючлюдю.
- Адеб этмеген, адеб кёрмез.
- Татлы тилде – сёз ариу, чемер къолда – иш ариу.
- Чомарт къолда мал къалмаз.
- Къулакъдан эсе, кёзге ышан.
- Биреуге аманлыкъны тилеме да, кесинге ашхылыкъны тиле.
- Тюкюрюк баш джармаз, налат кёз чыгъармаз!
- Къартны сыйын кёрмеген, къартлыгъында сыйлы болмаз.
- Киштикге къанат битсе, чыпчыкъ къалмаз эди.
- Ашаса, ашамаса да, бёрюню ауузу – къан.
- Экеулен сёлеше тура эселе, орталарына барыб кирме.
- Иги адамны бир сёзю эки болмаз.
- Джарлы тюеге минсе да, ит къабар.
- Аманны эки битли тону болур, бирин сеннге кийдирир, бирин кеси киер.
- Сабийни джумушха джибер да, ызындан бар.
- Адеби болмагъан къыз – тузсуз хант.
- Азыкълы ат арымаз, къатыны аман джарымаз.
- Аманнга игилик этсенг, юйюнге сау бармазса.
- Ашлыкъ – бюртюкден, джюн – тюкден.
- Джылкъыдан – ат чыгъар, тукъумдан – джаш чыгъар.
- Къатыны харакетли болса, эри къымсыз болур.
- Ат да турмайды бир териде.
- Артына баргъанны, къатына барма.
- Иги джашны ышаны – аз сёлешиб, кёб тынгылар.
- Чомарт бергенин айтмаз.
- Айранын берсенг, челегин да къызгъанма.
- Баргъанынга кёре болур келгенинг.
- Джаным-тиним – окъуу, билим.
- Абынмазлыкъ аякъ джокъ, джангылмазлыкъ джаякъ джокъ.
- Чомартны къолун джокълукъ байлар.
- Джырчы ёлсе, джыры къалыр.
- Айыбны суу бла джууалмазса.
- Мураты болгъанны джюрек тебюую башхады.
- Джерни букъусу кёкге къонмаз.
Къарачай-малкъар нарт сёзле!
16.01.2009 02:16:45
Нени сюйсенг анга тюберсе.
Нени сюрсенг анга тюберсе. Нёгерсизни джолу узун. |
|
|
|
16.01.2009 02:17:54
Пелиуанны да пелиуан хорлайды.
Пил ёллюк болса, туугъан джерине барады. Пилни да джегелле адамла. Пилни сюеги - кесинден багъалы. |
|
|
|
16.01.2009 02:18:30
Рышы - сютню юсюнде кёмюк кибик.
|
|
|
|
16.01.2009 02:25:14
бу форумда бар эди бир тема "нарт сёзле" деб, алай а анда къуру сабийлеге джомакъла эдиле...аны бла ачдым буну.
Блай алфавит бла табды да, бир излегенигиз болсада ![]() |
|
|
|
16.01.2009 02:32:01
Рамла
къайда батханса бу иги затлагъа))? |
|
|
|
16.01.2009 02:33:51
къайда батханса
![]() |
|
|
|
16.01.2009 02:36:11
шарылыб джунчутма))) айт))
|
|
|
|
16.01.2009 02:37:26
Материал из сайта Taulusoft.narod.ru
|
|
|
|
16.01.2009 02:40:43
сормай къойсам керек эди))))
|
|
|
|
16.01.2009 18:31:13
Ишлемеген тишлемез!!!
|
|
|
|
16.01.2009 20:38:17
Арасул
Ишлемеген тишлемез!!! башында И хариф болгъан джерде барды уже ![]() |
||||
|
|
|||
Читают тему (гостей: 1)