- Кёзюнде тереги болгъан, чёбю болгъаннга кюле эди.
- Ашыкъгъан cуу, тенгизге джетмез.
- Башынга джетмегенни сорма.
- Элге къуллукъ этмеген, элге ие болмаз.
- Гитче джилтин уллу элни джандырыр.
- Зар адамны насыбы болмаз.
- Биреу ашаб къутулур, биреу джалаб тутулур.
- Тил – кесген бычакъ, сёз – атылгъан окъ.
- Джылкъыдан – ат чыгъар, тукъумдан – джаш чыгъар.
- Джаш къарыу бла кючлю, къарт акъыл бла кючлю.
- Бетинги сатма, малынгы сат.
- Чарсда алчыны эл кёреди.
- Адеб базарда сатылмаз.
- Окъуу – билимни ачхычы, окъуу – дунияны бачхычы.
- Ханы къызы буюгъа-буюгъа киштик болду.
- Къарнынг бла ёч алма.
- Эл тойса, тоймагъан, эл къойса, къоймагъан.
- Алтыда кюлмеген, алтмышда кюлмез.
- Къумурсхала джыйылсала, пилни да джыгъадыла.
- Байлыкъ тауусулур, билим тауусулмаз.
- Къатын байлыкъны сюер, эр саулукъну сюер.
- Аман эсирсе, юйюн ояр.
- Джеринден айырылгъан – джети джылар, джуртундан айырылгъан – ёлгюнчю джылар.
- Аллахха ийнаннган кишини, Аллах онгдурур ишин.
- Аууздан келген, къолдан келсе, ким да патчах болур эди.
- Эллинг бла джау болсанг да, юйюнг бла джау болма.
- Арпа, будай – ащды, алтын, кюмюш а – ташды.
- Сабий кёргенин унутмаз.
- Тёрде – темир таякълы, къаяда – чыпчыкъ аякълы.
- Таш бла ургъанны, аш бла ур.
- Акъыл бла адеб эгизледиле.
- Шайтан алдады, тюзлюк къаргъады.
- Бети бедерден, намыс сакълама.
- Аман адам элни бир-бирине джау этер.
- Кёзден кетген, кёлден да кетеди.
- Аман киши кеси юйюнде – къонакъ.
- Тамырсыз терекге таянма – джыгъылырса.
- Тёзген – тёш ашар!
- Эки ойлашыб, бир сёлешген.
- Эки къатын алгъан – эки ташны ортасына башын салгъан.
- Элни кючю – эмеген.
- Тойгъандан сора, ашны сёкме.
- Берекет берсин деген джерде, берекет болур.
- Малны кют, джерни тюрт.
- Экеу тутушса, биреу джыгъылыр.
- Эри аманны, къатыны – аман.
- Билмейме деген – бир сёз
- Чёбню кёлтюрсенг, тюбюнден сёз чыгъар.
- Тойчу джашха къарама, къойчу джашха къара.
- Ач, тоймам, дейди, тойгъан, ач болмам, дейди.
Къарачай-малкъар нарт сёзле!
15.01.2009 23:16:45
Нени сюйсенг анга тюберсе.
Нени сюрсенг анга тюберсе. Нёгерсизни джолу узун. |
|
|
|
15.01.2009 23:17:54
Пелиуанны да пелиуан хорлайды.
Пил ёллюк болса, туугъан джерине барады. Пилни да джегелле адамла. Пилни сюеги - кесинден багъалы. |
|
|
|
15.01.2009 23:18:30
Рышы - сютню юсюнде кёмюк кибик.
|
|
|
|
15.01.2009 23:25:14
бу форумда бар эди бир тема "нарт сёзле" деб, алай а анда къуру сабийлеге джомакъла эдиле...аны бла ачдым буну.
Блай алфавит бла табды да, бир излегенигиз болсада ![]() |
|
|
|
15.01.2009 23:32:01
Рамла
къайда батханса бу иги затлагъа))? |
|
|
|
15.01.2009 23:33:51
къайда батханса
![]() |
|
|
|
15.01.2009 23:36:11
шарылыб джунчутма))) айт))
|
|
|
|
15.01.2009 23:37:26
Материал из сайта Taulusoft.narod.ru
|
|
|
|
15.01.2009 23:40:43
сормай къойсам керек эди))))
|
|
|
|
16.01.2009 15:31:13
Ишлемеген тишлемез!!!
|
|
|
|
16.01.2009 17:38:17
Арасул
Ишлемеген тишлемез!!! башында И хариф болгъан джерде барды уже ![]() |
||||
|
|
|||
Читают тему (гостей: 1)