- Къатын байлыкъны сюер, эр саулукъну сюер.
- Юре билмеген ит, къонакъ келтирир.
- Бёрю да ач къалмасын, эчки да ашалмасын.
- Хантына кёре тузу, юйюне кёре къызы.
- Бозаны арты дауур болур.
- Керек ташны ауурлугъу джокъ.
- Орундукъ тюбюнде атылсам да, орта джиликме, де да айлан.
- Къайгъыны сюйген, къайгъы табар.
- Эки къатын алгъанны къулагъы тынгнгаймаз.
- Борчунг бар эсе, хурджунунга ойлаб узал.
- Къанны къан бла джуума, аманны аман бла къуума.
- Келлик заман – къартлыкъ келтирир, кетген заман – джашлыкъ ёлтюрюр.
- Ёгюзню мюйюзлери ауурлукъ этмейдиле.
- Биреу къой излей, биреу той излей.
- Адеби болмагъан къыз – тузсуз хант.
- Джерни букъусу кёкге къонмаз.
- Арба аугъандан сора, джол кёргюзтюучю кёб болур.
- Мухар, кеси тойса да, кёзю тоймаз.
- Билген билмегенни юретген адетди.
- Окъугъанны бети джарыкъ.
- Айтылгъан сёз ызына къайтмаз.
- Джырчы ёлсе, джыры къалыр.
- Арыгъан къош чамчы болур.
- Чомартха Тейри да борчлуду.
- Таукел адам тау тешер.
- Джауумдан сора, кюн кюйдюрюр, ётюрюкден сора, айыб кюйдюрюр.
- Эртде тургъан джылкъычыны эркек аты тай табар.
- Сибиртки да сыйлы болду, кюрек да кюнлю болду.
- Мураты болгъанны джюрек тебюую башхады.
- Гырджын – тепсини тамадасы.
- Ач келгенни – тойдур, кеч келгенни – къондур.
- Джахил болса анасы, не билликди баласы?
- Аманнга да, игиге да оноусуз къатышма.
- Кийимни бичсенг, кенг бич, тар этген къыйын тюлдю.
- Эл элде бирер малынг болгъандан эсе, бирер тенгинг болсун.
- Берекет берсин деген джерде, берекет болур.
- От кюйдюрген, сау болса да, тот кюйдюрген, сау болмаз.
- Эркишини аманы тиширыуну джылатыр.
- Эллинг бла джау болсанг да, юйюнг бла джау болма.
- Адамны сабийин сюйген джюреги, бычакъча, джитиди.
- Ашатыргъа иш – ашхы, ишлетирге аш – ашхы.
- Ашха уста, юйюнде болсун
- Элде адам къалмаса, ит тахтагъа минер.
- Кюн – узун, ёмюр – къысха.
- Эр сокъур болсун, къатын тилсиз болсун.
- Джарлыны тону джаз битер.
- Татлы сёз – балдан татлы.
- Тил – миллетни джаны.
- Аджашхан тёгерек айланыр.
- Таугъа чыгъаллыкъ эсенг, тюзде къалма.
Къарачай-малкъар нарт сёзле!
16.01.2009 02:16:45
Нени сюйсенг анга тюберсе.
Нени сюрсенг анга тюберсе. Нёгерсизни джолу узун. |
|
|
|
16.01.2009 02:17:54
Пелиуанны да пелиуан хорлайды.
Пил ёллюк болса, туугъан джерине барады. Пилни да джегелле адамла. Пилни сюеги - кесинден багъалы. |
|
|
|
16.01.2009 02:18:30
Рышы - сютню юсюнде кёмюк кибик.
|
|
|
|
16.01.2009 02:25:14
бу форумда бар эди бир тема "нарт сёзле" деб, алай а анда къуру сабийлеге джомакъла эдиле...аны бла ачдым буну.
Блай алфавит бла табды да, бир излегенигиз болсада |
|
|
|
16.01.2009 02:32:01
Рамла
къайда батханса бу иги затлагъа))? |
|
|
|
16.01.2009 02:33:51
къайда батханса
|
|
|
|
16.01.2009 02:36:11
шарылыб джунчутма))) айт))
|
|
|
|
16.01.2009 02:37:26
Материал из сайта Taulusoft.narod.ru
|
|
|
|
16.01.2009 02:40:43
сормай къойсам керек эди))))
|
|
|
|
16.01.2009 18:31:13
Ишлемеген тишлемез!!!
|
|
|
|
16.01.2009 20:38:17
Арасул
Ишлемеген тишлемез!!! башында И хариф болгъан джерде барды уже |
||||
|
|
|||
Читают тему (гостей: 1)