- Эркишини аманы тиширыуну джылатыр.
- Иши джокъну, сыйы джокъ.
- Харам къарнашдан, халал тенг ашхы.
- Къонакъ аман болса, къонакъбай джунчур
- Дженгил джетерикме деб, узун джолну къоюб, къысхасын барма.
- Борчунг бар эсе, хурджунунга ойлаб узал.
- Чомартха Тейри да борчлуду.
- Аман эсирсе, юйюн ояр.
- Акъыллы айтыр эди, акъылсыз къоймайды.
- Адамны сабийин сюйген джюреги, бычакъча, джитиди.
- Хар сёзню орну барды.
- Ата – билек, ана – джюрек!
- Ашда уялгъан – мухар, ишде уялгъан – хомух.
- Тешигини къатында, чычхан да батыр болур.
- Уллу атлама – абынырса, уллу къабма – къарылырса.
- Сангырау къулакъ эл бузар.
- Ётюрюкчюню шагъаты – къатында.
- Ишлегенде эринме, ишде чолакъ кёрюнме.
- Игиге айтсанг – билир, аманнга айтсанг – кюлюр.
- Джангыз торгъай джырламаз.
- Ётюрюкню башын керти кесер.
- Къыйынлы джети элни къайгъысын этер.
- Акъыл аздырмаз, билим тоздурмаз.
- Башы ишлегенни, ауузу да ишлер.
- Бетинги сатма, малынгы сат.
- Эте билген, этген этеди, эте билмеген, юретген этеди!
- Джюз элде джюз ёгюзюм болгъандан эсе, джюз джууугъум болсун.
- Акъыл бла адеб эгизледиле.
- Аджаллыгъа окъсуз шкок атылыр.
- Джырчы джырчыгъа – къарнаш.
- Телини эшигин, махтау джабар.
- Душманны тышы – акъ, ичи – къара.
- Аз сёлешген, къайгъысыз турур.
- Сёз садакъдан кючлюдю.
- Къызбайны юйюне дери сюрсенг, батыр болур.
- Акъылсызны джууукъгъа алма, акъыллыны кенгнге салма.
- Гыдай эчки суугъа къараб, мюйюзле кёрмесе, джашма алкъын, дегенди.
- Минг тенг да азды, бир джау да кёбдю.
- Джумушакъ терекни къурт ашар.
- Итли къонакъ джарашмаз.
- Билгенни къолу къарны джандырыр.
- Кёлсюзден сёзсюз тууар.
- Къалгъан ишге къар джауар.
- Ашарыкъда сайлагъаннга – чий гырджын.
- Ашаса, ашамаса да, бёрюню ауузу – къан.
- Бёрю да ач къалмасын, эчки да ашалмасын.
- Аманны эки битли тону болур, бирин сеннге кийдирир, бирин кеси киер.
- Экеулен сёлеше тура эселе, орталарына барыб кирме.
- Бойнуму джети джерден кессенг да, мен ол ишни этеллик тюлме.
- Джаханимни кёрмей, джандетге кёл салмазса.
Къарачай-малкъар нарт сёзле!
16.01.2009 02:16:45
Нени сюйсенг анга тюберсе.
Нени сюрсенг анга тюберсе. Нёгерсизни джолу узун. |
|
|
|
16.01.2009 02:17:54
Пелиуанны да пелиуан хорлайды.
Пил ёллюк болса, туугъан джерине барады. Пилни да джегелле адамла. Пилни сюеги - кесинден багъалы. |
|
|
|
16.01.2009 02:18:30
Рышы - сютню юсюнде кёмюк кибик.
|
|
|
|
16.01.2009 02:25:14
бу форумда бар эди бир тема "нарт сёзле" деб, алай а анда къуру сабийлеге джомакъла эдиле...аны бла ачдым буну.
Блай алфавит бла табды да, бир излегенигиз болсада |
|
|
|
16.01.2009 02:32:01
Рамла
къайда батханса бу иги затлагъа))? |
|
|
|
16.01.2009 02:33:51
къайда батханса
|
|
|
|
16.01.2009 02:36:11
шарылыб джунчутма))) айт))
|
|
|
|
16.01.2009 02:37:26
Материал из сайта Taulusoft.narod.ru
|
|
|
|
16.01.2009 02:40:43
сормай къойсам керек эди))))
|
|
|
|
16.01.2009 18:31:13
Ишлемеген тишлемез!!!
|
|
|
|
16.01.2009 20:38:17
Арасул
Ишлемеген тишлемез!!! башында И хариф болгъан джерде барды уже |
||||
|
|
|||
Читают тему (гостей: 1)