- Башынга джетмегенни сорма.
- Зарда марда джокъ.
- Сютню башын джалагъан къутулур, тюбюн ичген тутулур.
- Азыгъы аз, алгъа къабар, аты аман, алгъа чабар.
- Джыйырма къойну юч джыйырма эбзе кюте эди.
- Джарашыу сюйген – джалынчакъ.
- Булут кёкге джарашыу, уят бетге джарашыу.
- Аджал соруб келмез, келсе, къайтыб кетмез.
- Сабыр джетер муратха, сабырсыз къалыр уятха.
- Уллу къашыкъ эрин джыртар.
- Ариуну – ауруу кёб.
- Къызны минг тилер, бир алыр.
- Эки къатын алгъан – эки ташны ортасына башын салгъан.
- Къууут – джелге, берне – бошха.
- Адам къыйынлыгъын кёлтюрюр, зауукълугъун кёлтюрмез.
- Бир абыннган – минг сюрюнюр.
- Иги адам абынса да, джангылмаз.
- Гугук кесини атын айтыб къычыргъанча, мен, мен деб нек тураса?
- Рысхы – сют юсюнде кёмюк кибикди.
- Къатын байлыкъны сюер, эр саулукъну сюер.
- Ишин билген, аны сыйын чыгъарады.
- Джыланны къуйругъундан басарынг келсе, аны башы болгъанын унутма.
- Садакъачыны джаны – къапчыгъында.
- Эртде тургъан джылкъычыны эркек аты тай табар.
- Джангыз терек къынгыр ёсер.
- Тамбла алтындан бюгюн багъыр ашхы.
- Мухарны эси – ашарыкъда.
- Джарлыны тону джаз битер.
- Башсыз урчукъ тюзюне айланмаз.
- Джарлыны эшигин махтагъан джабар.
- Ышармагъан – кюлмез, кюлмеген – къууанчны билмез.
- Юре билмеген ит, къонакъ келтирир.
- Сангырау къулакъ эл бузар.
- Бал чибинни ургъаны – ачы, балы – татлы.
- Кюлме джашха – келир башха.
- Аякъларынгы джууургъанынга кёре узат.
- Биреуню къыйынлыгъы бла кесинге джол ишлеме.
- Аманны эки битли тону болур, бирин сеннге кийдирир, бирин кеси киер.
- Джырчы джырчыгъа – къарнаш.
- Хар зат кесини орнуна иги.
- Чомартха Тейри да борчлуду.
- Ханнга да келеди хариблик.
- Ачлыкъ отха секиртир.
- Азыкъ аз болса, эртде орун сал.
- Ашхы сёз таш тешер.
- Къулакъдан эсе, кёзге ышан.
- Адам сёзюнден белгили.
- Джырына кёре эжиую.
- Биреуге аманлыкъны тилеме да, кесинге ашхылыкъны тиле.
- Ариу сёз аурууунгу алыр.
Къарачай-малкъар нарт сёзле!
15.01.2009 23:16:45
Нени сюйсенг анга тюберсе.
Нени сюрсенг анга тюберсе. Нёгерсизни джолу узун. |
|
|
|
15.01.2009 23:17:54
Пелиуанны да пелиуан хорлайды.
Пил ёллюк болса, туугъан джерине барады. Пилни да джегелле адамла. Пилни сюеги - кесинден багъалы. |
|
|
|
15.01.2009 23:18:30
Рышы - сютню юсюнде кёмюк кибик.
|
|
|
|
15.01.2009 23:25:14
бу форумда бар эди бир тема "нарт сёзле" деб, алай а анда къуру сабийлеге джомакъла эдиле...аны бла ачдым буну.
Блай алфавит бла табды да, бир излегенигиз болсада ![]() |
|
|
|
15.01.2009 23:32:01
Рамла
къайда батханса бу иги затлагъа))? |
|
|
|
15.01.2009 23:33:51
къайда батханса
![]() |
|
|
|
15.01.2009 23:36:11
шарылыб джунчутма))) айт))
|
|
|
|
15.01.2009 23:37:26
Материал из сайта Taulusoft.narod.ru
|
|
|
|
15.01.2009 23:40:43
сормай къойсам керек эди))))
|
|
|
|
16.01.2009 15:31:13
Ишлемеген тишлемез!!!
|
|
|
|
16.01.2009 17:38:17
Арасул
Ишлемеген тишлемез!!! башында И хариф болгъан джерде барды уже ![]() |
||||
|
|
|||
Читают тему (гостей: 3)