- Къарын къуру болса, джюрек уру болур.
- Таукел тауну аудурур.
- Къызгъанчдан ычхыныр, мухардан ычхынмаз.
- Байлыкъ келсе, акъыл кетер.
- Мал тутхан – май джалар.
- Ёлюк кебинсиз къалмаз.
- Ойнай билмеген, оюн бузар.
- Бал чибинни ургъаны – ачы, балы – татлы.
- Биреу ашаб къутулур, биреу джалаб тутулур.
- Джангызны оту джарыкъ джанмаз!
- Тенги кёбню джау алмаз, акъылы кёбню дау алмаз.
- Окъуусуз билим – джокъ, билимсиз кюнюнг – джокъ.
- Эркишиге тары кебек танг кёрюнюр.
- Сютню башын джалагъан къутулур, тюбюн ичген тутулур.
- Аманнга да, игиге да оноусуз къатышма.
- Тёзген – тёш ашар!
- Уруну арты – къуру.
- Баш – акъыл ючюн, акъылман – халкъ ючюн.
- Ачлыкъда тары гырджын халыуадан татлы.
- Къобан да къуру да къобханлай турмайды, адам да къуру да патчахлай турмайды.
- Ушамагъан – джукъмаз.
- Джарлы эскисин джамаса, къууаныр.
- Юйлю уругъа ит чабмаз.
- Адеб джокъда, намыс джокъ.
- Джолунга кёре – джюрюшюнг, джагъанга кёре – юлюшюнг.
- Телиге акъыл салгъандан эсе, ёлгеннге джан салырса.
- Иесиз малны бёрю ашар.
- Тилчи бир сагъатха айлыкъ хата этер.
- Атлыны кёрсе, джаяуну буту талыр.
- Къызын тута билмеген, тул этер, джашын тута билмеген, къул этер.
- Мени джылытмагъан кюн, меннге тиймесин!
- Мухар, кеси тойса да, кёзю тоймаз.
- Акъыллы эркиши атын махтар, акъылсыз эркиши къатынын махтар.
- Аз айтсам, кёб ангылагъыз.
- Кёб джат да, бек чаб.
- Ач келгенни – тойдур, кеч келгенни – къондур.
- Тас болгъан бычакъны сабы – алтын.
- Игилик игилик бла сингдирилиучю затды.
- Адеби болмагъан къыз – тузсуз хант.
- Бозанг болмагъан джерге, къалагъынгы сукъма.
- Айтылгъан буйрукъ, сёгюлмез
- От этилмеген джерден тютюн чыкъмайды.
- Аякъларынгы джууургъанынга кёре узат.
- Халкъны джырын джырласанг, халкъ санга эжиу этер.
- Дуния аламаты сен эсенг да, игиме деб айтма.
- Къыз келсе, джумуш эте келеди, къатын келсе, ушакъ эте келеди.
- Ашхы тенг джолгъа салыр, аман тенг джолдан тайдырыр.
- Алтыда кюлмеген, алтмышда кюлмез.
- Кёзню ачылгъаны – иги, ауузну джабылгъаны – иги.
- Тенгинг джокъ эсе – изле, бар эсе – сакъла!
Къарачай-малкъар нарт сёзле!
16.01.2009 02:16:45
Нени сюйсенг анга тюберсе.
Нени сюрсенг анга тюберсе. Нёгерсизни джолу узун. |
|
|
|
16.01.2009 02:17:54
Пелиуанны да пелиуан хорлайды.
Пил ёллюк болса, туугъан джерине барады. Пилни да джегелле адамла. Пилни сюеги - кесинден багъалы. |
|
|
|
16.01.2009 02:18:30
Рышы - сютню юсюнде кёмюк кибик.
|
|
|
|
16.01.2009 02:25:14
бу форумда бар эди бир тема "нарт сёзле" деб, алай а анда къуру сабийлеге джомакъла эдиле...аны бла ачдым буну.
Блай алфавит бла табды да, бир излегенигиз болсада |
|
|
|
16.01.2009 02:32:01
Рамла
къайда батханса бу иги затлагъа))? |
|
|
|
16.01.2009 02:33:51
къайда батханса
|
|
|
|
16.01.2009 02:36:11
шарылыб джунчутма))) айт))
|
|
|
|
16.01.2009 02:37:26
Материал из сайта Taulusoft.narod.ru
|
|
|
|
16.01.2009 02:40:43
сормай къойсам керек эди))))
|
|
|
|
16.01.2009 18:31:13
Ишлемеген тишлемез!!!
|
|
|
|
16.01.2009 20:38:17
Арасул
Ишлемеген тишлемез!!! башында И хариф болгъан джерде барды уже |
||||
|
|
|||
Читают тему (гостей: 1)