- Къолунгдан къуймакъ ашатсанг да, атаны борчундан къутулмазса.
- Аманнга да, игиге да оноусуз къатышма.
- Адамны бетине къарама, адетине къара.
- Арба аугъандан сора, джол кёргюзтюучю кёб болур.
- Аджал соруб келмез, келсе, къайтыб кетмез.
- Тынгылагъан тынгы бузар.
- Тёрдеги кюлсе, эшикдеги ышарыр.
- Ёлюр джаннга, ёкюл джокъ.
- Кеси юйюмде мен да ханма.
- Билгенни къолу къарны джандырыр.
- Ишлегенден, къарагъан уста.
- Тик ёргени, тик энгишгеси да болады.
- Джерни букъусу кёкге къонмаз.
- Эл ауузу – элия.
- Хар адамгъа кеси миннген тау кибик.
- Мухар, кеси тойса да, кёзю тоймаз.
- Джиби бир къат джетмей эди да, эки къат тарта эди.
- Тойну къарнашы – харс, джырны къарнашы – эжиу.
- Ач къарным, тынч къулагъым.
- Къулакъдан эсе, кёзге ышан.
- Ёлген ийнек сютлю болур.
- Аманны эки битли тону болур, бирин сеннге кийдирир, бирин кеси киер.
- Къазанны башы ачыкъ болса, итге уят керекди.
- Джауумдан сора, кюн кюйдюрюр, ётюрюкден сора, айыб кюйдюрюр.
- Керилген да, ургъан кибикди.
- Иесиз малны бёрю ашар.
- Хазыр ашха – терен къашыкъ.
- Насыб бютеу халкъны юлюшюдю.
- Ашаса, ашамаса да, бёрюню ауузу – къан.
- Баргъанынга кёре болур келгенинг.
- Биреуге аманлыкъны тилеме да, кесинге ашхылыкъны тиле.
- Иги сёз – джаннга азыкъ, аман сёз башха – къазыкъ.
- Адеб джокъда, намыс джокъ.
- Тешик этген тынчды, аны джамагъан къыйынды.
- Адамны аты башхача, акъылы да башхады.
- Сакъ юйюне сау барыр.
- Сабий болмагъан джерде, мёлек болмаз.
- Сёлеш деб шай берген, тохта деб, сом берген.
- Чакъырылмагъан къонакъ – орунсуз.
- Телиге акъыл салгъандан эсе, ёлгеннге джан салырса.
- Джарлы джети элни сёзюн этер.
- Хунаны тюбюн къазсанг, юсюнге ауар.
- Окъ къызбайны джокълайды.
- Мал тутхан – май джалар.
- Аман адамны тепсинге олтуртсанг, къызынгы тилер.
- Къыйынлы джети элге оноу этер.
- Тил джюрекге джол ишлейди.
- Окъуусуз билим – джокъ, билимсиз кюнюнг – джокъ.
- Джолунга кёре – джюрюшюнг, джагъанга кёре – юлюшюнг.
- Адамны артындан къара сабан сюрме.
Къарачай-малкъар нарт сёзле!
16.01.2009 02:16:45
Нени сюйсенг анга тюберсе.
Нени сюрсенг анга тюберсе. Нёгерсизни джолу узун. |
|
|
|
16.01.2009 02:17:54
Пелиуанны да пелиуан хорлайды.
Пил ёллюк болса, туугъан джерине барады. Пилни да джегелле адамла. Пилни сюеги - кесинден багъалы. |
|
|
|
16.01.2009 02:18:30
Рышы - сютню юсюнде кёмюк кибик.
|
|
|
|
16.01.2009 02:25:14
бу форумда бар эди бир тема "нарт сёзле" деб, алай а анда къуру сабийлеге джомакъла эдиле...аны бла ачдым буну.
Блай алфавит бла табды да, бир излегенигиз болсада |
|
|
|
16.01.2009 02:32:01
Рамла
къайда батханса бу иги затлагъа))? |
|
|
|
16.01.2009 02:33:51
къайда батханса
|
|
|
|
16.01.2009 02:36:11
шарылыб джунчутма))) айт))
|
|
|
|
16.01.2009 02:37:26
Материал из сайта Taulusoft.narod.ru
|
|
|
|
16.01.2009 02:40:43
сормай къойсам керек эди))))
|
|
|
|
16.01.2009 18:31:13
Ишлемеген тишлемез!!!
|
|
|
|
16.01.2009 20:38:17
Арасул
Ишлемеген тишлемез!!! башында И хариф болгъан джерде барды уже |
||||
|
|
|||
Читают тему (гостей: 1)