- Акъыллы эркиши атын махтар, акъылсыз эркиши къатынын махтар.
- Нёгерсизни джолу узун.
- Тау башында, тау болмаз, джангыз терек, бау болмаз.
- Адам къыйынлыгъын кёлтюрюр, зауукълугъун кёлтюрмез.
- Эркишини аманы тиширыуну джылатыр.
- Къуллукъчума, деб махтанма, къуллукъ – хаух джамчыды!
- Джылыгъа джылан илешир.
- Алма терегинден кери кетмез.
- Махтаннган къыз, тойда джукълар.
- Ёлюк кебинсиз къалмаз.
- Къар – келтирди, суу – элтди.
- Ата – баланы уясы.
- Тойгъа барсанг, тоюб бар, эски тонунгу къоюб бар.
- Тура эдим джата, къайдан чыкъды хата?
- Бичгенде ашыкъма, тикгенде ашыкъ.
- Ётген ёмюр – акъгъан суу.
- Орну джокъну – сыйы джокъ.
- Джангыз терек къынгыр ёсер.
- Айранны сюйген, ийнек тутар.
- Малны кют, джерни тюрт.
- Джарлыны тону джаз битер.
- Тели турса – той бузар.
- Ёлмесенг да, къарт дамы болмазса?
- Ариу сёз аурууунгу алыр.
- Намысы болмагъанны, сыйы болмаз.
- Ата – билек, ана – джюрек!
- Мураты болгъанны джюрек тебюую башхады.
- Къарыусузгъа кюлме, онгсузгъа тийме.
- Халкъны джырын джырласанг, халкъ санга эжиу этер.
- Аманнга алтын чыдамаз.
- Тилсиз миллет джокъ болур.
- Биреуге аманлыкъны тилеме да, кесинге ашхылыкъны тиле.
- Насыб бютеу халкъны юлюшюдю.
- Адамны джюреги нени кёрюрге сюйсе, кёзю да аны кёрюрге ёч болады.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Тин – байлыгъынг, терен саулугъунг.
- Намыс болмагъан джерде, насыб болмаз.
- Агъач халкъгъа алтынды, иссиликге салкъынды.
- Бек анасы джыламаз.
- Окъуусуз билим – джокъ, билимсиз кюнюнг – джокъ.
- Ёзденликни джайгъан – джокълукъ.
- Къонакъ кёб келюучю юйню, къазаны отдан тюшмез.
- Къызны минг тилер, бир алыр.
- Байлыкъдан саулукъ ашхыды.
- Этек чакъмакълары баш джаргъан, сёлешген сёзлери таш джаргъан.
- Болджал ишни бёрю ашар.
- Къонагъынгы артмагъын алма да, алгъышын ал.
- Джаным-тиним – окъуу, билим.
- Ашын ашагъанынгы, башын да сыйла.
- Сабийликде юретмесенг, уллу болса – тюзелмез.
Къарачай-малкъар нарт сёзле!
16.01.2009 02:16:45
Нени сюйсенг анга тюберсе.
Нени сюрсенг анга тюберсе. Нёгерсизни джолу узун. |
|
|
|
16.01.2009 02:17:54
Пелиуанны да пелиуан хорлайды.
Пил ёллюк болса, туугъан джерине барады. Пилни да джегелле адамла. Пилни сюеги - кесинден багъалы. |
|
|
|
16.01.2009 02:18:30
Рышы - сютню юсюнде кёмюк кибик.
|
|
|
|
16.01.2009 02:25:14
бу форумда бар эди бир тема "нарт сёзле" деб, алай а анда къуру сабийлеге джомакъла эдиле...аны бла ачдым буну.
Блай алфавит бла табды да, бир излегенигиз болсада ![]() |
|
|
|
16.01.2009 02:32:01
Рамла
къайда батханса бу иги затлагъа))? |
|
|
|
16.01.2009 02:33:51
къайда батханса
![]() |
|
|
|
16.01.2009 02:36:11
шарылыб джунчутма))) айт))
|
|
|
|
16.01.2009 02:37:26
Материал из сайта Taulusoft.narod.ru
|
|
|
|
16.01.2009 02:40:43
сормай къойсам керек эди))))
|
|
|
|
16.01.2009 18:31:13
Ишлемеген тишлемез!!!
|
|
|
|
16.01.2009 20:38:17
Арасул
Ишлемеген тишлемез!!! башында И хариф болгъан джерде барды уже ![]() |
||||
|
|
|||
Читают тему (гостей: 1)